علی ظفر کے پی ایس ایل فائیو کے ترانے پر علی عظمت کا بیان سامنے آ گیا

پاکستان سپر لیگ (پی ایس ایل) کے سیزن فائیو کا آفیشل ترانہ تیار کرنے والے گلوکار علی عظمت کا پہلا علی ظفر کے نئے پی ایس ایل ترانے کے بارے میں بیان سامنے آ گیا

باغی ٹی وی: پی ایس ایل کے سیزن فائیو کا آفیشل ترانہ تیار کرنے والے گلوکار علی عظمت نے آخر کار سوشل میڈیا پرعلی ظفر کے نئے پی ایس ایل ترانے کے بارے میں اپنی چُپ توڑ دی

سماجی رابطے کی ویب سائٹ انسٹا گرام پر علی عظمت نے تیار ہیں ترانے کا ایک اسکرین شاٹ شیئر کرتے ہوئے لکھا کہ ہر سال پی ایس ایل کے آغاز سے قبل ایک ترانہ جاری کیا جاتا ہے جس کا ہرگز مقصد پچھلی بار آنے والے گانے کا مقابلہ نہیں ہوتا


انہوں نے لکھا کہ پی ایس ایل کے موقع پر ریلیز کئے جانے والے ترانے کا مقصد اس خاص ایونٹ کی خوشیوں میں اضافہ کرنا ہوتا ہے ہمیں بحیثیت قوم اسے سراہنا اور اپنانا چاہیئے

گلوکار نے مزید لکھا کہ ایسا لگتا ہے کہ ہم ترانے میں ایک ہونے کے پیغام پر فوکس کرنے کی بجائے اس بات پر فوکس کرتے ہیں کہ یہ گانا گایا کس نے ہے

علی عظمت نے علی ظفر کی جانب سے جلد ہی جاری کئے جانے والے متوقع تراننے پر کہا کہ ہم ساتھی فنکاروں کی جانب سے کرکٹ اور وطن عزیز سے محبت میں ریلیز کئے جانے والے ترانوں کا خیر مقدم کرتے ہیں

آخر میں علی عظمت نے لکھا کہ پاکستان ہے ہمارا، پاکستان ہے تمھارا پاکستان زندہ باد

واضح رہے کہ پی ایس ایل فائیو کا آفیشل ترانہ تیار ہیں علی عظمت عارف لوہار ہارون اور عاصم اظہر نے گایا تھا جو کہ مداحوں کو متاثر کرنے میں ناکام رہا اور یہ معاملہ اس وقت تنازع کی صورت اختیار کرگیا تھا جب گلوکارعلی عظمت نے ایک پروگرام میں الزام لگایا کہ علی ظفر نے پیسے دے کر بلاگرز خریدے اور جان بوجھ کر گانے پر تنقید کروائی

علی عظمت کے الزامات کے جواب میں علی ظفر نے ایک ویڈیو بیان جاری کیا اور طنزیہ انداز میں کہا کہ اگر آپ کا گانا لوگ پسند نہیں کررہے تو اس کا ذمہ دار میں ہوں بعد ازاں مداحوں کی پُر زور فرمائش پرعلی ظفر نے خود پی ایس ایل کا گانا بنانے کا اعلان کیا جس کے وہ اب تک دو ٹیزر سامنے چکے ہیں جو کہ سوشل میڈیا پر بہت مقبول ہوئے ہیں اب کرکٹ شائقین اور مداح علی ظفر کے مکمل ترانے کا بے صبری سے نتظار کر رہے ہیں

علی ظفرمداحوں کی خواہش پر پی ایس ایل فائیو کا ترانہ بنانے کے لئے تیار

جواب چھوڑیں

آپ کا ای میل ایڈریس شائع نہیں کیا جائے گا.