’پہلے میں نے خاموش رہنا بہترسمجھا کیوں کہ ٹیم منتخب کی جاچکی تھی‘علی زیدی نے خاموشی توڑ دی

0
24

کراچی:’پہلے میں نے خاموش رہنا بہترسمجھا کیوں کہ ٹیم منتخب کی جاچکی تھی‘علی زیدی نے خاموشی توڑ دی ،اطلاعات کے مطابق وزیراعظم عمران خان کے معاون خصوصی برائے سیاسی امور نعیم الحق کے بعد وفاقی وزیر برائے بحری امور علی زیدی آسٹریلیا میں پاکستان کرکٹ ٹیم کی ناقص کارکردگی پر پھٹ پڑے۔

چین دنیا کوپیچھےچھوڑگیا ،30منزلہ ہوٹل 2ہفتوں میں تعمیرکردیا

سماجی رابطوں کی ویب سائٹ ٹوئٹر پر جاری بیان میں علی زیدی نے شدید مایوسی کا اظہار کرتے ہوئے لکھا کہ ’پہلے میں نے خاموش رہنا بہتر سمجھا کیوں کہ ٹیم منتخب کی جاچکی تھی اور کھلاڑی آسٹریلیا کیلئے نکل چکے تھے‘۔

وزیراعظم کرپشن کے بعد طلباء تنظیموں کے پیچھے پڑگئے ہیں، محمد عامرناظم اسلامی جمیعت…

پاکستان تحریک انصاف کے اہم رہنما وفاقی وزیر علی زیدی نے لکھا کہ ’لیکن سچی بات یہ ہے کہ کیا سوچ کر پی سی بی نے سرفراز احمد کو ٹیم سے ڈراپ کیا تھا؟ اس نے تن تنہا ہمیں ٹی ٹوئنٹی میں نمبر ون بنایا، ساتھ ہی ہمیں چیمپئنز ٹرافی جتوائی‘۔

وفاقی وزیر نے مزید لکھا کہ ’آئی سی سی ایونٹ میں سرفراز نے دو بار بھارت کو ہرایا اور حالیہ عرصے میں پاکستان کا کامیاب ترین کپتان رہا۔ جب مصباح اور وقار کی جوڑی نے سرفراز احمد کو ڈراپ کیا تو سب کو دال میں کچھ کالا محسوس ہوا کیوں کہ سرفراز کیلئے ان کی ناپسندیدگی کو سب جانتے ہیں اور ان کی ذاتی پسند ناپسند سے پاکستان کو شدید نقصان پہنچا ہے‘۔

علی زیدی نے کہا کہ ’ٹیموں میں گروپنگ کا ہونا کوئی نئی بات نہیں لیکن انہیں خفیہ رکھا جاتا ہے اور پی سی بی کی لیڈرشپ کا یہ کام ہے کہ وہ اسے ابتداء ہی میں ختم کرے لیکن افسوس کی بات ہے کہ اس بار یہ ساری باتیں کھل کر سامنے آگئیں جس کا نتیجہ پاکستان کی خراب کارکردگی کی صورت میں دیکھنے کو ملا‘۔علی زیدی نے کہا کہ وقت کا تقاضہ ہے کہ ہر سطح پر کچھ سخت فیصلے لیے جائیں۔

Leave a reply