fbpx

عالیہ بھٹ ، رنبیر کپور اور آیان مکھر جی نے ایک ساتھ فلم براہمسٹرا دیکھی

9 ستمبر کو سینما گھروں کی زینت بننے والی فلم براہمسٹرا کو عالیہ بھٹ ، رنبیر کپور اور آیان مکھر نے ایک ساتھ دیکھا ہے ، اب چونکہ اس فلم کی ریلیز میں کچھ ہی دن باقی ہیں۔ بلاشبہ یہ اس سال کی سب سے زیادہ انتظار کی جانے والی ہندوستانی فلموں میں سے ایک ہے۔ برہمسٹرا میں امیتابھ بچن، مونی رائے اور ناگارجن اکینینی بھی اہم کرداروں میں نظر آرہے ہیں۔اس فلم کے بارے میں دعوی کیا جا رہا ہے کہ 400 کروڑ روپے کی لاگت سے تیار ہوئی ہے اور یہ اب تک کی سب سے مہنگی ہندی فلم ہے. فلم کی ڈائریکشن آیان مکھرجی نے کی ہے۔ برہمسٹرا 9 ستمبر کو ہندی

کے علاوہ چار دیگر زبانوں ، تامل، تیلگو، کنڑ اور ملیالم میں ریلیز ہونے والی ہے۔فلم کی ریلیز سے قبل گزشتہ رات عالیہ، رنبیر اور ایان نے پہلی بار ایک ساتھ اپنی فلم دیکھی ان تینوں کو فلم سے کافی امیدیں وابستہ ہیں۔فلم میں شائقین کی دلچپسی بڑھانے کےلئے عالیہ بھٹ اور ڈائریکٹر آیان مکھر جی فلم کی شوٹنگ کے دوران بنائی گئی وڈیوز کو شئیر کررہے ہیں. کہا یہ بھی جا رہا ہے کہ فلم براہمسٹرا کو دنیا بھر میں 8000 اسکرینز پر ریلیز کیا جائے گا۔ ہندوستان میں 5000 اسکرینیں اور بیرون ملک 3000 اسکرینیں ہوں گی۔ برہمسٹرا کا اعلان اکتوبر 2017 میں کیا گیا تھا لیکن فلم کی شوٹنگ اور ریلیز کافی وجوہات کی بناء پر تاخیر کا شکار ہوئی. یاد رہے کہ عالیہ بھٹ اور رنبیر کپور پہلی بار اس فلم میں بڑی سکرین شئیر کررہے ہیں.