عالیہ بھٹ اور رنبیر کپور کب شادی کریں گے نئی تاریخ سامنے آ گئی

بالی ووڈ اداکار رنبیر کپور اوراداکارہ عالیہ بھٹ کی شادی کی نئی تاریخ سامنے آگئی ہے۔

باغی ٹی وی : بالی ووڈ میں ان دنوں کترینہ کیف ، وکی اور رنبیر کپور عالیہ بھٹ کی شادی کے چرچے ہیں، چند دن پہلے یہ خبر سامنے آئی تھی کہ دونوں اس سال دسمبر میں شادی کررہے ہیں کہا جارہا ہے کہ عالیہ اوردونوں دسمبر سے پہلے پہلے اپنے تمام پراجیکٹس مکمل کروارہے ہیں اس کے علاوہ انہوں نے کچھ پراجیکٹس کی تاریخیں آگے بڑھادی ہیں تاکہ دسمبر میں شادی کرسکیں۔

جب اس بارے میں جب عالیہ بھٹ کی والدہ سونی رازدان سے پوچھا گیا تو ان کا کہنا تھا مجھے بھی نہیں معلوم کہ شادی کب ہوگی ایک بھارتی ویب سائٹ کو انٹرویو دیتے ہوئے سونی رازدان نے کہا مجھے بھی نہیں معلوم کہ شادی کب ہوگی یہاں تک کہ میں بھی شادی کے حوالے سے معلومات کی منتظر ہوں خیر ابھی بہت وقت ہے مستقبل میں ایسا ہوگا، تاہم ابھی یہ وقت بہت دور ہے ساتھ ہی انہوں نے کہا کہ شادی کے بارے میں مزید معلومات جاننے کے لیے آپ کو عالیہ کے ایجنٹ کو فون کرنا پڑے گا لیکن ہوسکتا ہے کہ اس کے ایجنٹ کو بھی اس حوالے سے کوئی معلومات نا ہوں۔

کیا عالیہ اور رنبیر دسمبر میں شادی کرنے والے ہیں؟ عالیہ کی والدہ کا بیان سامنے آ…

دوسری جانب رنبیر کپور کے انکل رندھیر کپور نے بھی ان کے بھتیجے اور عالیہ بھٹ کی شادی سے متعلق لاعلمی کا اظہار کرتے ہوئے کہا تھا کہ انہوں نے شادی کے حوالے سے کوئی خبر نہیں سنی انہوں نے مزید کہا تھا کہ میں نے تو دسمبر میں رنبیر اور عالیہ کے شادی کے بارے میں بھی کچھ نہیں سنا۔

تاہم اب دونوں سے جڑے قریبی ذرائع کے مطابق رنبیر اور عالیہ دسمبر میں شادی تو کرنا چاہتے ہیں تاہم ان کی شادی اس سال نہیں بلکہ اگلے سال ہوگی۔

بالی ووڈ رپورٹس کے مطابق رنبیر اور عالیہ کی شادی اگلے سال فروری یا مئی میں متوقع ہے، شادی میں تاخیر کی وجہ کورونا وائرس کی تیسری لہر ہے جب کہ رنبیر اور عالیہ چاہتے ہیں کہ ان کی شادی دھوم دھام سے ہونی چاہیے اور اسی وجہ سے دونوں کورونا صورتحال کا جائزہ لے رہے ہیں۔