علی پور : 13 سالہ لڑکے سے اجتماعی زیادتی کا مقدمہ درج

اوچ شریف (باغی ٹی وی،نامہ نگارحبیب خان) علی پور کے علاقہ سیت پور میں 13 سالہ لڑکے سے اجتماعی زیادتی کا مقدمہ درج

تفصیل کے مطابق مظفرگڑھ کی تحصیل علی پور میں ایک دل دہلا دینے والے واقعے میں سیت پور کے محلہ شیخانی کا رہائشی ایک 13 سالہ لڑکا سعید عباس کو چار بااثر اوباشوں کی جانب سے اجتماعی زیادتی کا نشانہ بنایا گیا۔

محلہ شیخانی سیت پور کے رہائشی محسن رضا بھٹی نے پولیس کو بتایا ہے کہ میرے بھانجے تیرہ سالہ سعید عباس کو گزشتہ روزروز ملزمان مہدی شاہ بخاری اور غلام عباس ہوت بلوچ والی بال کے میچ دکھانے کا جھانسہ دے کر دھوکے سے بند کے پار کپاس کی فصل میں لے گئے ۔ وہاں ان کے دو دیگر ساتھی بھی موجود تھے جنہوں نے اسے پسٹل دکھا کر دھمکایا اوراور جان سے مار دینے کی دھمکی دیکر زبردستی باری باری میرے بھانجے کو بدفعلی کا نشانہ بنایا اور اس کو ویران علاقے میں چھوڑ کر فرار ہوگئے جوکہ ڈیڑھ دو کلومیٹر پیدل چل کر اپنے گھر پہنچا جس کی حالت انتہائی مخدوش تھی دریافت کرنے پر اس نے ساری روئداد بیان کی ہے

پولیس تھانہ سیت پور نے ملزمان کے خلاف مقدمہ درج کرتے ہوئے ان کی گرفتاری کیلئے چھاپے مارنا شروع کردیے ہیں۔