ارطغرل کے علیار بے اور عبدالرحمن کی مداحوں کو عید میلاد النبیﷺ کی مبارک باد دی

ترک ڈرامہ سیریز ارطغرل غازی میں چاہو دار قبیلے کے سردار کے بیٹے علیار بے کا کردار نبھانے والے اداکار جیم اوچان اور عبدالرحمنٰ غازی کا کردار نبھانے والے تُرک اداکار جلال نے اپنے امت مسلمہ اور مداحوں کو عید میلاد النبیﷺ کی مبارک باد دی ہے۔

باغی ٹی وی :ماہ ربیع الاوّل میں پاکستان سمیت پوری دنیا کے مسلمان اپنے آقا محمد ﷺ کا یوم ولادت نہایت عقیدت و احترام سے مناتے ہیں اور اپنے گھروں ،مساجد اور بازاروں کو سجاتے ہیں محافل میلا د کا انعقاد کرتے ہیں اسی حوالے سے حکومت نے 12 ربیع الاوّل کو عام تعطیل کا اعلان بھی کیا ہے۔

ترک ادکار جیم اوچان نے بھی عید میلاد النبی ﷺ کے مبارک اور پُر مسرت موقع پر امت مسلمہ اور مداحوں کو خاتم النبیین ﷺ کے یوم ولادت پر مبارکباد پیش کی ہے-

ترک اداکار نے اپنے انسٹا گرام اکاؤنٹ پر اسٹوری پیغام کے ذریعے امت مسلمہ کو عید میلاد النبی ﷺ کی مبارک باد پیش کی ہے انہوں نے مبارک باد کا میسیج ترک زبان میں شئیر کیا ہے۔

جیم اوچان حال ہی میں پاکستانی اداکار عمران عباس سے بھی ملاقات کرچکے ہیں اس ملاقات پر انہوں نے خوشی کا اظہار کرتے ہوئے پاکستان کا دورہ کرنے کا اعلان بھی کیا۔

دوسری جانب ارطغرل غازی میں عبدالرحمنٰ غازی کا کردار ادا کرنے والے اداکار جلال نے بھی اپنی انسٹاگرام اسٹوری کے ذریعے عید میلاد النبی ﷺ کے حوالے سے پیغام شئیر کیا ہے اور امت مسلمہ کو عید میلاد النبی ﷺ کی مبارکباد پیش کی ہے-

واضح رہے کہ جلال اکثر وبیشتر اپنے پاکستانی مداھوں کے لئے پیغامات شئیر کرتے ہیں اور اپنی سوشل میڈیا پوسٹس کے ذریعے پاکستان اور پاکستانیوں سے اپنی محبت کا اظہار کرتے رہتے ہیں اور پاکستان آنے کی خواہش کا اظہار کر چُکے ہیں-

خیال رہے کہ اس سے قبل عالمی شہرت یافتہ ترک شیف براق اوزڈیمیر نے مداحوں کو اپنے ٹوئٹر پیغام میں مسلمانوں کو عید میلاد النبی ﷺ کی مبارکباد پیش کی ہے-