اللہ کا شکر ہے کہ پاکستان نے اس ٹیم کو شکست دی جسے ورلڈ‌ کپ کیلئے فیورٹ‌ قرار دیا جارہا تھا، مبشر لقمان

0
55

پاکستان کے نامور صحافی اور سینئر اینکر مبشر لقمان نے پاکستانی ٹیم کو انگلینڈ کے خلاف کامیابی پر مبارکباد پیش کی ہے.

باغی ٹی وی کی رپورٹ‌ کے مطابق سوشل میڈیا سائٹ ٹویٹر پر انہوں نے لکھا ہے کہ یہ کتنا اللہ کا فضل ہے کہ پاکستان نے اس ٹیم کو شکست سے دوچار کیا ہے جسے ورلڈ کپ کی فیورٹ قرار دیا جارہا تھا.

قبل ازیں پاکستانی کرکٹ ٹیم کے انگلینڈ کے خلاف میچ جیتنے پر کپتان سرفراز احمد نے کہا ہے کہ اس جیت سے ٹیم کو اعتماد ملا ہے. ان کا کہنا تھا کہ میچ میں فتح‌ کا کریڈٹ بیٹسمینوں اور باؤلرز کو جاتا ہے. پاکستانی کھلاڑی ان شاء اللہ آنے والے میچز میں اسی پرفارمنس کو دہرانے کی کوشش کریں گے.

پاکستان کے میچ جیتنے پر صدر، وزیر اعظم اور آرمی چیف کی طرح ملک بھر کی اہم شخصیات کی جانب سے پاکستانی ٹیم کو مبارکباد دیے جانے کا سلسلہ جاری ہے. اسی طرح‌ پورے ملک میں میچ کی فتح‌ کا جشن منایا جارہا ہے. یاد رہے کہ انگلینڈ کی ٹیم کو ورلڈ‌کپ کی فیورٹ‌ ٹیم قرار دیا جارہا ہے تاہم آج پاکستان نے اسے شکست سے دوچار کر کے خطرے کی گھنٹی بجا دی ہے.

Leave a reply