عالمی سطح پر ہونے والی مہنگائی سے عوام کو بچایا جا رہا ہے وفاقی وزیر توانائی و پیٹرولیم

وفاقی وزیر توانائی و پیٹرولیم حماد اظہر نے کہا ہے کہ عالمی سطح پر ہونے والی مہنگائی سے عوام کو بچایا جا رہا ہے۔

باغی ٹی وی : تفصیلات کے مطابق وفاقی وزیر توانائی و پٹرولیم حماد اظہر نے کہا ہے کہ اگست سے اب تک پٹرولیم مصنوعات پر 435 ارب روپے کا ریلیف دیا جبکہ سابقہ دور میں قیمتیں کم نہیں ہوتی تھیں لیکن لیوی بڑھا دی جاتی تھی۔

شوگرمل مالکان مافیا کوعمران خان لگام نہ ڈال سکے:چینی عوام کی پہنچ سے دور:عظمیٰ…

انہوں نے کہا کہ ایک وقت ایسا بھی تھا کہ پیٹرولیم مصنوعات پر سیلز ٹیکس 56 فیصد تھا اور اب 10 فیصد ہے۔ ملک میں پٹرول اور ڈیزل کی قیمت خطے کے دیگر ممالک سے اب بھی کم ہیں سابق ادوار کی نسبت پیٹرول پر اب کم ٹیکس نافذ ہے اور کورونا کے باعث دنیا بھر میں اشیا کی قیمتیں بڑھی ہیں لیکن جن ممالک میں پٹرول سستا ہے وہاں پیٹرولیم پیدا ہوتا ہے۔

انہوں نے کہا کہ احساس پروگرام کے تحت فنڈز کا اجرا دُگنا کر دیا گیا ہے اور عالمی سطح پر ہونے والی مہنگائی سے عوام کو بچایا جا رہا ہے-

ہزاروں ٹن گندم اور چینی کراچی بندرگاہ پر پہنچ گئی

دوسری جانب وفاقی حکومت نے ملکی تاریخ کی مہنگی ترین چینی درآمد کرلی ہے درآمدی چینی کی 28 ہزار 760 میٹرک ٹن کی کھیپ پاکستان پہنچ گئی یہ چینی سرکاری ایکس مل ریٹ سے 25.15 روپے فی کلو مہنگی پڑی ہے۔

ٹی سی پی کو درآمدی چینی پورٹ پر109روپے 90 پیسے فی کلو میں پڑی۔ اخراجات ملا کر یوٹیلیٹی اسٹورز کو چینی تقریبا 123 روپے کلو میں پڑے گی۔

یوٹیلیٹی اسٹورز کو سرکاری ریٹیل قیمت سے چینی تقریبا 33.25 روپے کلو مہنگی پڑے گی یوٹیلیٹی اسٹورز پر درآمدی چینی 85 روپے فی کلو میں فروخت کی جائے گی حکومت نے چینی کی ریٹیل قیمت 89.75 روپے فی کلو مقرر کی ہے قیمت خرید اور فروخت کا فرق سبسڈی سے پورا کیا جائے گا گزشتہ ایک لاکھ ٹن چینی کی لینڈڈ کاسٹ 89.26 روپے فی کلو میں پڑی تھی۔

شاہ محمود قریشی کا امریکہ سے افغانستان کے 9 ارب ڈالر واپس کرنے کا مطالبہ