امیر قطر آج پہنچیں گے پاکستان، جے ایف 17 تھنڈر دیں گے سلامی

امیر قطر شیخ تمیم بن حماد آج پاکستان کے دو روزہ دورے پر اسلام آباد پہنچیں گے

باغی ٹی وی کی رپورٹ کے مطابق امیر قطر شیخ تمیم بن حماد آج اسلام آباد پہنچیں گے، ان کا طیارہ شام چھ بجے اسلام آباد کے نورخان ائیر بیس پر لینڈ کرے گا، وزیراعظم عمران خان امیر قطر کا استقبال کریں گے، امیر قطر کی آمد کے موقع پر پاکستان کے جے ایف 17 تھنڈر طیارے فضا میں سلامی دیں گے جبکہ انہیں اسلام آباد وزیراعظم ہاوس میں 21 توپوں کی سلامی بھی دی جائے گی. امیر قطر کے استقبال کے لئے اسلام آباد کی شاہراہوں پر خیر مقدمی بینر لگائے گئے ہیں، ان کے استقبال کی تیاریاں عروج پر ہیں.

دفتر خارجہ کے ترجمان کا کہنا ہے کہ امیر قطر شیخ تمیم بن حماد اہم وزراء اور سینئر حکام کے ساتھ پاکستان آئیں گے، پاکستان کے دورہ کے دوران ان کی وزیراعظم عمران خان، صدر مملکت ڈاکٹر عارف علوی سے ملاقات ہو گی، صدر مملکت انہیں پاکستان کا سب سے بڑا اعزاز دیں گے.ملاقات میں معاشی اشتراک اور باہمی دلچسپی کے امور پر بات چیت ہوگی جبکہ مختلف شعبوں میں تعاون کے فروغ کےلئے مفاہمت کی یادداشتوں پر دستخط ہوں گے

جواب چھوڑیں

آپ کا ای میل ایڈریس شائع نہیں کیا جائے گا.