شکست خوردہ امریکہ، افغانستان میں اپنے افسروں کی لاشوں کی شناخت میں مصروف

0
81

واشنگٹن :امریکہ، افغانستان میں اپنے افسروں کی لاشوں کی شناخت میں مصروف،اطلاعات کےمطابق امریکی فوج کے حکام کا کہنا ہے کہ وہ افغانستان میں تباہ ہونے والے فوجی طیارے سے ملنے والی لاشوں کی شناخت کر رہے ہیں۔

رپورٹ کے مطابق فوجی ذرائع کہنا ہے کہ امریکی فوج افغانستان میں گر کر تباہ ہونے والے امریکی طیارے کے باقیات جمع کرنے اور لاشوں کی شناخت میں مصروف ہے۔ ستائیس جنوری کو افغانستان میں ایک امریکی طیارہ مار گرایا گیا تھا جس کی ذمہ داری افغان طالبان نے قبول کی ہے۔

طالبان کا کہنا ہے کہ اس طیارے میں امریکہ کے سیکورٹی اور انیٹیجنس افسران تھے۔ امریکی وزارت جنگ پنٹاگون کے حکام نے بھی صوبہ غزنی میں امریکی فضائیہ کے ایک طیارے کےگر کر تباہ ہونے کی تصدیق کی تھی۔

صوبہ غزنی کے مقامی ذرائع نے طیارے کے ملبے سے تقریبا سو لاشیں نکالنے کی خبر دی ہے تاہم امریکی حکام تباہ ہونے والے طیارے اور اس کے مسافروں اور ان کے تشخص کے بارے میں کچھ بھی بتانے سے اجتناب کر رہے ہیں۔

درایں اثنا روسی ذرائع نے بتایا ہے کہ سی آئی اے کا اعلی عہدیدار مائکل ڈی آندریا بھی اس طیارے میں سوار تھا اور ہلاک ہوگیا جس نے سپاہ قدس کے کمانڈر شہید جنرل قاسم سلیمانی کے قتل کی سازش کی تھی۔

Leave a reply