پاکستان کی معیشت کو اوپراٹھانے کے لیے ہر سطح پر پاکستان کےساتھ ہیں۔ویلیم میکناول

پاکستان کی معیشت کو اوپراٹھانے کے لیے ہر سطح پر پاکستان کےساتھ ہیں کاروباری کمیونٹی اور ملکی معیشت کی بحالی کے لیے پنجاب کے تمام اضلاع کا دورہ کررہے ہیں امریکن قونصل جنرل(لاہور) ویلیم میکناول
باغی ٹی وی ننکانہ صاحب (نامہ نگار احسان اللہ ایاز)امریکن قونصل جنرل(لاہور) ویلیم میکناول کی ننکانہ صاحب آمد
تفصیل کے مطابق تاریخی اہمیت کے حامل گوردوارہ کی بہترین تزئین وآرائش کے لیے حکومت پاکستان اور ضلعی انتطامیہ کی جانب سے کیے گئے اقدامات قابل ستائش ہیں،پاکستان کی معیشت کو اوپراٹھانے کے لیے ہر سطح پر پاکستان کے ساتھ ہیں،کاروباری کمیونٹی اور ملکی معیشت کی بحالی کے لیے پنجاب کے تمام اضلاع کا دورہ کررہے ہیں۔امریکن قونصل جنرل(لاہور) ویلیم میکناول نے ان خیالات کا اظہار ڈپٹی کمشنر آفس کے کمیٹی روم میں تاجر برادری سے ملکی معیشت کے حوالے سے خصوصی ملاقات کے دوران کیا۔سابق وفاقی وزیرداخلہ بریگیڈئیر(ر) پیر اعجاز احمد شاہ،ڈپٹی کمشنر ننکانہ احمر نائیک،ڈسٹرکٹ پولیس آفیسر ننکانہ سید خالد محمود ہمدانی،ایڈیشنل ڈپٹی کمشنر ریونیو جنت حسین نیکوکارا،پی ٹی آئی راہنما شہزاد خالدخاں،صدر تاجر ایسوسی ایشن شیخ رضوان شوکت سمیت دیگر تاجر برادری کے عہدیداران بھی اس موقع پر موجود تھے۔ڈپٹی کمشنر ننکانہ احمر نائیک نے اس موقع پر امریکن قونصل جنرل ویلیم میکناول کو ننکانہ پروفائل اور بابا گورونانک کے 553ویں جنم دن کی تقریبات کے حوالے سے تفصیلی بریفنگ دیتے ہوئے کہا کہ پوری دنیا سے آنے والے سکھ یاتریوں کو ضلعی انتظامیہ کی جانب سے انٹرنیشنل لیول کی سہولیات فراہم کی جاتی ہیں، ننکانہ صاحب آنےو الے سکھ یاتری اپنی عبادت گاہ آکرروحانی سکون اور خوشی محسوس کرتے ہیں، جنم دن کی تقریبات پر سیکورٹی کے فول پروف انتظامات کیے جاتے ہیں ۔بعدازاں سابق وفاقی وزیر داخلہ بریگیڈئیر(ر) اعجاز احمد شاہ،ڈپٹی کمشنر ننکانہ احمد نائیک اور ڈی پی او سید خالد محمود ہمدانی کی جانب سےامریکن قونصل جنرل ویلیم میکناول کو یادگاری شیلڈز بھی پیش کی گئی۔ علاوہ ازیں امریکن قونصل جنرل(لاہور) ویلیم میکناول نے گوردوارہ جنم استھان کا تفصیلی دورہ بھی کیا-

Leave a reply