امریکا کا ایف 16 لڑاکا طیارہ جنوبی کوریا میں گرکرتباہ

امریکا کا ایف 16 لڑاکا طیارہ جنوبی کوریا میں گرکرتباہ ہوگیا۔

باغی ٹی وی : امریکی میڈیا کے مطابق یہ واقعہ ہفتے کے روز پیش آیا جس میں امریکا کا ایف 16 لڑاکا طیارہ تربیتی پرواز پر تھا جو جنوبی کوریا میں ایک بڑے امریکی فوجی اڈے کے قریب گرکر تباہ ہوگیا۔

شوہر نے بیوی کو قتل کر کے خود کشی کر لی

امریکی فوج کی جانب سے بھی طیارہ گرنے کی تصدیق کرتے ہوئے بتایا گیا ہےکہ طیارہ آٹھویں فائٹر ونگ کے لیے تھا جو ہفتے کی صبح تقریباً 9:45 بجے اوسان ائیربیس کے قریب کھیتوں میں گرکر تباہ ہوگیا۔

امریکی عسکری حکام نے بتایا کہ پائلٹ کو بحفاظت باہر نکالا گیا اور اسے قریبی طبی مرکز میں منتقل کر دیا گیا۔ فوج کے مطابق اس واقعے میں کوئی شہری زخمی نہیں ہوا پائلٹ معمول کی تربیتی پرواز میں حصہ لے رہا تھا، انہوں نے مزید کہا کہ واقعے کی تحقیقات جاری ہیں۔

کانگو میں بارشوں کے باعث سیلاب سے 200 سے زائد افراد ہلاک اور 130 کے …

جنوبی کوریا کے صوبہ گیونگگی کے گورنر کم ڈونگ یون نے ٹویٹر پر لکھا کہ حادثے کی اطلاع ملتے ہی مقامی ریسکیو حکام موقع پر پہنچ گئے اور فائر حکام نے طیارے میں لگی آگ کو بجھایا۔

اوسان ایئر بیس امریکی فضائیہ کا شمالی کوریا کا قریب ترین اڈہ ہے، جو اس کی سرحد سے تقریباً 40 میل (64 کلومیٹر) دور ہے۔

انٹرنیٹ کا مسلسل استعمال اور ڈیمینشیا