fbpx

امریکی دارالحکومت میں نوجوان نے اسنائپر سے 4 افراد کو نشانہ بنا کر خود کو گو لی مار لی

واشنگٹن: امریکی دارالحکومت میں 23 سالہ نوجوان نے اسنائپرسے 4 افراد کو نشانہ بنا کر خود کو گو لی مار لی-

باغی ٹی وی : امریکی میڈیا کے مطابق 23 سالہ نوجوان نے اپنے فلیٹ میں بنائے گئے ’’اسنائپر نیسٹ‘‘ سے ایک پرائمری اسکول کے نزدیک 4 راہگیرو ںکو اسنائپر سے فائرنگ کرکے زخمی کردیا اور پھر خود کو گولی مار کر اپنی زندگی کا خاتمہ کرلیا۔

نیویارک سب وے اسٹیشن پر دھماکا، 5 افراد ہلاک

پولیس نے میڈیا کو بتایا کہ فائرنگ کرنے والے نوجوان کی شناخت 23 سالہ ریمنڈ اسپینسر کے نام سے ہوئی ہے جس نے فائرنگ سے قبل سوشل میڈیا پر پوسٹ کی تھی جس میں غلط ہجے کے ساتھ کیپشن لکھا تھا کہ اسکول شوٹنگ۔

عینی شاہدین اور سوشل میڈیا پوسٹ سے حاصل ہونے والی معلومات کی مدد سے پولیس اپارٹمنٹ تک پہنچ گئی جہاں چھٹی منزل پر اسنائپر لگائی گئی تھی۔ پولیس کو ملزم کے کمرے سے فائر کریکر، دھماکا خیز مواد اور اسلحہ بھی ملا ہے۔

پولیس کا کہنا ہے کہ ملزم کے حوالے سے مزید تحقیقات کی جا رہی ہیں۔

کینیڈا :مسجد میں فائرنگ 5 نمازی زخمی

قبل ازیں امریکی ریاست جنوبی کیرولینا کے شہر کولمبیا کے ایک شاپنگ مال میں مسلح شخص کی اندھا دھند فائرنگ سے 12 افراد زخمی ہوگئی تھی شاپنگ مال میں فائرنگ کے واقعے کے بعد کولمبیا پولیس نے 3 افراد کو حراست میں لے لیا جن میں سے 2 کو رہا کردیا گیا ہے جب کہ ایک شخص کو جیل منتقل کردیا گیا تھا گرفتار ملزم نے اعتراف جرم کرلیا تھا جس کی شناخت 24 سالہ جیوانائے پرائس کے نام سے ہوئی تھی –

دریں اثنا امریکی ریاست نیویارک سٹی سب وے اسٹیشن پر ایک شخص نے دھماکا اور اندھا دھند فائرنگ کی جس کے نتیجے میں 5 افراد ہلاک اور متعدد زخمی ہوگئے تھے رش کے اوقات میں بروکلین سب وے اسٹیشن میں بم پھینکنے کے بعد گیس ماسک اور اورنج کنسٹرکشن جیکٹ میں ملبوس شخص نے متعدد افراد پر فائرنگ کی تھی –

امریکا میں مسلح شخص کی شاپنگ مال میں فائرنگ،12 افراد زخمی