غزہ جنگ : دو امریکی فوجیوں نے اپنی خدمات جاری رکھنے سے معذرت کرلی

امریکی فوج کے دیگر 40 اہلکار بھی غزہ جنگ کے خلاف مستعفی ہونے پر غور کر رہے ہیں
0
75

غزہ جنگ کی امریکی حمایت کے خلاف احتجاج ،امریکی ائیر فورس کے دو پائلٹوں نے فوج میں اپنی خدمات سے معذرت کرلی۔

عالمی میڈیا کے مطابق امریکی ائیر فورس کے دو پائلٹوں نے باضمیر احتجاج کرتے ہوئے فوج میں اپنی خدمات سے معذرت کرلی ان فوجیوں کا کہنا ہے کہ غزہ میں جنگی جرائم اور مسخ شدہ بچوں کی ہزاروں ویڈیوز جو ہمارے فونز تک پہنچ رہی ہیں، فوج کے اندر اور باہر امریکی عوام کے ضمیر کو جھنجھوڑ رہی ہیں،ہم ایسی انتظامیہ کے لیے خدمات جاری نہیں رکھ سکتے جو امریکی اور بین الاقوامی قوانین کی خلاف ورزی کر رہی ہے۔

جنگ مخالف ایک امریکی تنظیم کے مطابق امریکی فوج کے دیگر 40 اہلکار بھی غزہ جنگ کے خلاف مستعفی ہونے پر غور کر رہے ہیں جکہ غزہ جنگ میں اسرائیل کی حمایت پر بائیڈن انتظامیہ کے کئی عہدیدار بھی مستعفی ہوچکے ہیں۔

گزشتہ روز اپنے شعبے میں مستعفی امریکی اہلکاروں میں سب سے سینیئر اور امریکی محکمہ خارجہ میں اسرائیل فلسطینی امور کے ماہر اینڈریو ملر نے اچانک اپنے عہدے سے استعفیٰ دیدیا۔

اینڈریو ملر امریکی محکمہ خارجہ میں بطور نائب معاون وزیر برائے اسرائیل و فلسطینی امور کام کر رہے تھے، اینڈریو ملر نے استعفیٰ کی وجہ خاندانی ذمہ داریاں قراردیں امریکی میڈیا کے مطابق اینڈریو ملر کا کہنا تھا کہ جنگ کے سبب مصروفیات کی وجہ سے خاندان کو وقت نہیں دے پایا تھا، یہ ذمہ داریاں نہ ہوتیں تو ملازمت پر برقرار رہتا، اینڈریو ملر اسرائیل نواز پالیسیوں کیخلاف تھے، مستعفی اینڈریو ملر فلسطینیوں کے حقوق اور فلسطینی ریاست کے حق کے حامی تھے۔

Leave a reply