محنت رنگ لاتی ہے،امریکی سیاحتی میگزین نےسیاحت کے اعتبارسے پاکستان کوبہترین ملک قراردے دیا

واشنگٹن :محنت رنگ لاتی ہے،امریکی سیاحتی میگزین نےسیاحت کے اعتبارسے پاکستان کوبہترین ملک قراردے دیا،اطلاعات کےمطابق امریکی میگزین کونڈی ناسٹ نے سیاحت کے لیے بہترین ممالک کی فہرست میں پاکستان کو نمبر ون قراردیا ہے، میگزین کے مطابق 2020 میں پاکستان سیاحت کے لیے سب سے بہترین ملک ہوگا۔

امریکی میگزین کونڈی ناسٹ نے ایک رپورٹ میں کہا ہے کہ پاکستان کے سیکیورٹی حالات میں بہتری آئی ہے جس کے نتیجے میں پاکستان دنیا بھر ککے سیاحوں کا مرکز نگاہ بن گیا ہے ،ویزے سے متعلق اقدامات نے پاکستان کو بہترین سیاحتی ملک بنانے میں بڑا کردار ادا کیا۔

امریکی میگزین کونڈی ناسٹ کا مزید کہنا ہے کہ پاکستان خوبصورت قدرتی اور تاریخی مناظر سے مالا مال ہے، مذہبی سیاحت کے لحاظ سے بھی پاکستان بہترین ملک بن چکا ہے، پاکستان امن کی بحالی کی وجہ سے سیاحت کے لیے بہترین ہے۔امریکی جریدے میں پاکستان کے بلند ترین پہاڑی سلسلوں سے لے کر مقبول سیاحتی مقامات کا ذکر بھی کیا گیا ہے۔

امریکی میگزین کونڈی ناسٹ نے20 ممالک کی فہرست جاری کی ہے جن میں پاکستان، برطانیہ، کرغزستان،آرمینینا، برازیل، آسٹریلیا، آئرلینڈ، فلپائن، فرانس، سسلی، سینیگال، پورٹ لینڈ، لبنان، چین، ڈنمارک، دی برٹش ورجن آئی لینڈ، مراکش، پاناما، کروشنیا اور جاپان شامل ہیں۔کونڈی ناسٹ لائف اسٹائلاورسیاحت کا مقبول ترین میگزین ہے اوراب تک اسے 25 نیشنل ایوارڈزسے بھی نوازا جاچکا ہے۔

دوسری طرف وفاقی حکومت کی طرف سے کیے گئے اقدامات اور صوبائی حکومت کے پی کی طرف سے سیاحت کے فروغ کےلیے کوششیں اس وقت ثمرآورپودے کی شکل اختیارکرتی جارہی ہیں‌ ، آج ہی کےپی حکومت نے 20 نئے سیاحتی مقامات تلاش کرکے ان کو عالمی معیارکے سیاحتی مقامات میں تبدیل کرنے کےلیے 5 ارب روپے کی رقم مختص کرکے دنیا کی توجہ اس طرف مبذول کروا دی ہے