امریکی صدر عالمی موسمیاتی کانفرنس کے دوران سو گئے ویڈیو وائرل

0
33

اسکاٹ لینڈ میں جاری عالمی موسمیاتی کانفرنس کوپ 26 میں صدر جو بائیڈن دوران تقریب سو گئے-

باغی ٹی وی : اسکاٹ لینڈ میں جاری بین الاقوامی موسمیاتی تبدیلی کانفرنس کے افتتاحی خطاب کے دوران امریکی صدر جو بائیڈن نے آنکھیں بند کرلیں موسمیاتی تبدیلی کانفرنس میں امریکی صدر اپنے خطاب سے پہلے آنکھیں بند کر کے بیٹھے ہوئے تھے امریکی میڈیا کے مطابق جوبائیڈن نے 22 سیکنڈ تک اپنے آنکھیں بند رکھیں تبھی ان کے ایک معاون نے انہیں جگایا کانفرنس میں اسے پہلے بھی صدر جوبائیڈن نے 7 سیکنڈ تک آنکھیں موند کر رکھیں پھر آنکھیں کھولیں اور سر ہلایا۔

جس وقت بائیڈن اونگھ رہے تھے اس وقت ایک سوشل ایکٹوسٹ گلوبل وارمنگ سے متنبہ کرتے ہوئے عالمی برادری کو جگانے کی کوشش کر رہے تھےان کا کہنا تھا کہ گلوبل وارمنگ نے ہماری کھانا اگانے اور یہاں تک کہ زندہ رہنے کی صلاحیت کو بھی خطرے میں ڈال دیا ہے۔


اسی لمحے بائیڈن کے معاون نے انہیں جگادیا اور صدرنے تالیاں بجاکر اپنی توجہ دوبارہ کانفرنس کی طرف کردی صدر بائیڈن آنکھوں کو بھی رگڑتے رہے۔

ایک امریکی صحافی نے امریکی صدر کی یہ ویڈیو سوشل میڈیا ویب سائٹ ٹوئٹر پر شیئر کی جو وائرل ہو گئی ہے۔اور ایک بار پھر سوشل میڈیا پر صدر جوبائیڈن کی عمر، صحت اور فٹنس زیر بحث ہے۔

یاد رہے کہ جوبائیڈن اب تک کے سب سے معمر امریکی صدر ہیں اور اس ماہ 79 برس کے ہو گئے ہیں۔

Leave a reply