امریکی صدر کا فرانسیسی ہم منصب سے ٹیلی فونک رابطہ، اہم امور پر تبادلہ خیال

0
56

واشنگٹن: امریکی صدر جوبائیڈن نے فرانسیسی ہم منصب ایمانویل میکخواں سے ٹیلی فونک رابطہ کیا ہے۔

غیر ملکی خبر رساں ایجنسی کے مطابق ٹیلی فونک گفتگو کے دوران دونو ں رہنماؤں نے ا تفاق کیا کہ امریکہ اور فرانس میں بات چیت سے آبدوز تنازع سے بچا جاسکتا تھا۔دونوں رہنماؤں کے درمیان آبدوز تنازع پر بات چیت ہوئی ہے جس کے بعد فرانس نے اپنے سفیر کو امریکہ واپس بھیجنے کا فیصلہ کرلیا ہے۔فرانسیسی سفیر آئندہ امریکہ واپس جائیں گے۔

واضح رہے کہ فرانس نے آسڑیلیا کے ساتھ آبدوز تنازع پر آسڑیلیا اور امریکہ سے اپنے سفیر واپس بلالیے تھے فرانس نے سفیروں کو آبدوزوں کے معاہدے سے متعلق معاملے پر مشاورت کے لیے طلب کیا تھا فرانس کی روایتی آبدوز ڈیل توڑ کر آسٹریلیا اب امریکا کی ایٹمی آبدوز خرید رہا ہے اس ڈیل کی مالیت 36 ارب ڈالر سے زائد ہے۔

فرانس کے وزیر خارجہ نے کہا تھا کہ ہمارے سفیر کو آسٹریلیا کی جانب سے آبدوزوں سے متعلق معاہدے میں دھوکا دہی پر بلایا گیا ہے۔ آسٹریلیا کا فرانس کی روایتی آبدوز خریدنے کی ڈیل توڑنا ناقابل قبول رویہ ہے۔

آبدوز ڈیل تنازع:فرانس نے امریکہ اور آسٹریلیا سے اپنے سفیرواپس بلا لئے

دوسری جانب وائٹ ہاؤس کی جانب سے جاری بیان میں کہا گیا تھا کہ آبدوز ٹھیکوں کا تنازع حل کرنے کے لیے کوششیں کر رہے ہیں فرانسیسی پارٹنرز کے ساتھ قریبی رابطےمیں رہے ہیں، فرانس امریکہ کا سب سے پرانا اور مضبوط پارٹنر ہے۔

امریکا نے فرانس کے سفیر واپس بلانے کے فیصلے پر افسوس کا اظہار کرتے ہوئے کہا تھا کہ ہم عالمی چیلنجز سے مل کر نمٹنےکی طویل تاریخ، جمہوری اقدار اور عزم رکھتے ہیں۔

Leave a reply