کرونا وائرس امریکی سینیٹ میں حملہ آور،سینیٹر رینڈ پال میں کورونا وائرس کی تصدیق
واشنگٹن:کرونا وائرس امریکی سینیٹ میں حملہ آور،سینیٹر رینڈ پال میں کورونا وائرس کی تصدیق ،اطلاعات کےمطابق امریکی سینٹ کے رُکن میں کورونا وائرس کی تصدیق ہوگئی اس مرض میں مبتلا ہونے والے پہلے امریکی سینیٹر ہیں۔
اتوار کو سینیٹر پال رینڈ کے آفیشل ٹوئٹر اکاؤنٹ پر کی گئی ٹوئٹ میں بتایا گیا ہے کہ امریکی ریاست کینٹیکی کے ریپبلکن سینیٹر میں علامات ظاہر نہیں ہوئی تھیں تاہم تواتر سے سفر کرنے اور تقریبات میں شرکت کے باعث احتیاطاً ان کا ٹیسٹ کیا گیا جس کے نتائج میں وائرس کی تشخیص ہوئی۔ٹوئٹ میں کہا گیا ہے کہ سینیٹر نے کورونا وائرس سے متاثرہ کسی فرد سے براہ راست رابطے کے بارے میں لاعلمی کا اظہار کیا ہے۔
Senator Rand Paul has tested positive for COVID-19. He is feeling fine and is in quarantine. He is asymptomatic and was tested out of an abundance of caution due to his extensive travel and events. He was not aware of any direct contact with any infected person.
— Rand Paul (@RandPaul) March 22, 2020
ذرائع کے مطابق امریکی سینیٹرنے ٹویٹ کے مطابق سینیٹر رینڈ پال کو قرنطینہ کردیا گیا ہے اور وہ گھر پر رہ کر ہی دفتری کام انجام دیں گے۔
دوسری جانب امریکا میں کورونا وائرس کے پھیلاؤ سے سنگین حالات پیدا ہونے کا خدشہ ظاہر کیا جارہا ہے۔ عالمی خبر رساں ادارے کے مطابق نیویارک کے میئر بل ڈی بلاسیو نے کورونا وائرس کی وبا کو1930 کی دہائی میں آنے والے معاشی بحران جیسی آفت قرار دیا ہے۔
میئر کا کہنا ہے کہ اگر آئندہ دس دنوں میں مزید وینٹی لیٹر دست یاب نہیں ہوئے تو ایسے لوگوں کی ہلاکت بھی ہوسکتی ہے جن کی حالت زیادہ تشویش ناک نہیں۔امریکا میں کورونا وائرس کے 25ہزار سے زائد کیسز کی تصدیق ہوچکی ہے اور ہلاک ہونے والوں کی تعداد 340 تک پہنچ گئی ہے۔