اسرائیل میں امریکی ویکسین والے افراد فالج کا شکار:سیکڑوں کی جانیں خطرےمیں

تل ابیب: اسرائیل میں امریکی ویکسین والے افراد فالج کا شکار:سیکڑوں کی جانیں خطرےمیں ،اطلاعات کے مطابق اسرائیل میں کورونا وائرس کی فائزر ویکسین لگوانے سے 13اسرائیلی شہری فالج کا شکار ہوگئے ہیں ۔ اسرائیلی میڈیا رپورٹس کے مطابق اسرائیل میں کوویڈ-19 کی فائزر ویکسین لگوانے سے 13اسرائیلی شہریوں کو فالج ہوا ہے جبکہ سینکڑوں افراد کو حالت خراب ہونے پر ہسپتال منتقل کردیا گیا ہے۔

رپورٹ کے مطابق اسرائیلی ڈاکٹروں نے خدشہ ظاہر کیا ہے کہ ویکسین کے مضر اثرات سے مزید لوگ بیمار پڑسکتے ہیں، اس لیے وہ شہریوں کو دوسری ڈوز دینے میں احتیاط کررہے ہیں۔اسرائیلی ڈاکٹروں کا کہنا ہے کہ وہ اپنے اسرائیلی شہریوں کو صرف اسی صورت میں ویکسین کی دوسری خوراک دیںگے جبکہ ان کی حالت میں بہتری آئے گی، بصورت دیگر وہ کسی شہری کو ویکسین کی دوسری ڈوز نہیں دیں گے ۔

خیال رہے کہ اسرائیلی حکومت کی جانب سے امریکی کمپنی فائزر کو تقریباً 80لاکھ حفاظتی ٹیکوں کا آرڈر دیا گیا تھا، جس میں سے اب تک ملک میں 20لاکھ افراد کی ویکسینیشن کردی گئی ہے۔

اسرائیلی میڈیا کا کہنا ہے کہ عالمی وبا کے حفاظتی ٹیکے لگنے سے تقریبا 100افراد کو بدترین سائیڈ ایفیکٹس کا سامنا کرنا پڑا ہے جبکہ ان میں سے 24افراد معذور ہوچکے ہیں۔ 225 افراد کو مختلف اسپتالوں میں داخل کرانے کی اطلاعات ہیں۔ اسرائیل نے گزشتہ سال دسمبر میں اپنے حفاظتی ٹیکوں کی مہم کا آغاز کیا تھا۔ تب سے ڈاکٹروں نے 60سال کی عمر میں 72فیصد کے قریب ٹیکے لگائے ہیں۔