امریکی ڈالر ہوا مزید سستا

امریکی ڈالر ہوا مزید سستا

باغی ٹی وی :ملک بھر میں رواں ہفتے کے پہلے کاروباری روز کے دوران روپے کے مقابلے میں امریکی ڈالر مزید 8 پیسے سستا ہوگیا.پاکستان کو عالمی مالیاتی ادارے کی طرف سے ایک ارب ڈالر سے زائد کی رقم وصول ہونے، وفاقی حکومت کی طرف سے کنسٹرکشن کا صنعت کا درجہ دینے، سٹیٹ بینک آف پاکستان کی طرف سے شرح سود میں کمی اور جی 20 ممالک کی طرف سے پاکستان کے 12 ارب ڈالر سے زائد کا قرض مؤخر ہونے کے بعد ملک بھر میں معاشی سرگرمیوں میں بہتری دیکھنے میں آ رہی ہے۔

رواں ہفتے کے پہلے کاروباری روز کے دوران انٹر بینک میں ملک بھر میں امریکی ڈالر مزید 8 پیسے سستا ہو گیا جس کے بعد روپے کے مقابلے میں ایک امریکی کرنسی 163 روپے 49 پیسے پر بند ہوئی۔

واضح رہے کہ گزشتہ ہفتے کے آخری کاروباری روز کے دوران روپے کے مقابلے میں امریکی ڈالر پٹ گیا تھا،
اپریل 2019 میں ڈالر نے بڑی چھلانگ لگئی اور 141 روپے 50 پیسے پر آ گیا۔ مئی میں اس کی قیمت میں تاریخ کا ایک بڑا اضافہ دیکھا گیا اور یہ 151 روپے تک پہنچ گیا۔جون میں ڈالر نے تمام ریکارڈ توڑ دیے اور تاریخ کی بلند ترین سطح 164روپے پر پہنچ گیا۔جولائی 2019 میں ڈالر کی اڑان رک گئی اور ڈالر کمی کے بعد انٹربینک میں 160 روپے اور اوپن مارکیٹ میں 161 روپے کا ہوگیا۔

اکتوبر 2019 کے اختتام پر روپے کی قدر مزید بہتر ہوئی اور ڈالر کی قیمت 155.70 روپے رہ گئی۔ نومبر2019 کے اختتام پر ڈالرکی قیمت خرید 155.25 اور قیمت فروخت 155.65 تھی۔ گزشتہ چھ ماہ سے ڈالر کی قیمت میں مسلسل کمی دیکھنے میں آرہی ہے اور اس دوران 9 روپے کی کمی آئی

جواب چھوڑیں

آپ کا ای میل ایڈریس شائع نہیں کیا جائے گا.