کینیڈا کے لیے نامزد ہائی کمشنر امیر خرم راٹھور اہم مشاورت کےلیےشاہ محمود قریشی کے پاس پہنچ گئے

اسلام آباد:کینیڈا کے لیے پاکستان کے نامزد ہائی کمشنر امیر خرم راٹھور اہم مشاورت کےلیےشاہ محمود قریشی کے پاس پہنچ گئے ،اطلاعات کے مطابق کینیڈا کے لیے پاکستان کے نامزد ہائی کمشنر امیر خرم راٹھور کی وزارتِ خارجہ میں وزیر خارجہ مخدوم شاہ محمود قریشی سے ملاقات ہوئی ہے جس میں دونوں ملکوں‌ کے درمیان بہترتعلقات کےحوالے سے مشاورت ہوئی ہے

ذرائع کے مطابق اس اہم ملاقات میں وزیر خارجہ نے وزارتِ خارجہ میں بطور ایڈیشنل سیکرٹری امیر خرم راٹھور کی خدمات کو سراہا

اس ملاقات میں وزیرخارجہ شاہ محمود قریشی نے کہا کہ بیرون ملک مقیم پاکستانیوں کی فلاح و بہبود اور ان کے مسائل کا ترجیحی بنیادوں پر حل ہماری اولین ترجیحات میں شامل ہے،

مخدوم شاہ محمود قریشی نےکہا ہے کہ مجھے توقع ہے کہ آپ جیسے منجھے ہوئے سفارت کار کی بطور ہائی کمشنر کینیڈا تعیناتی دو طرفہ تعلقات کے استحکام میں معاون ثابت ہو گی,

نامزد ہائی کمشنر کینیڈا امیر خرم راٹھور نے وزیر وزیر خارجہ کی جانب سے دی گئی ہدایات پر ان کا شکریہ ادا کرتے ہوئے، دو طرفہ تعلقات کے استحکام کیلئے اپنی بہترین صلاحیتیں بروئے کار لانے کا یقین دلایا