fbpx

عامر لیاقت حسین تشیوشناک حالت میں ہسپتال منتقل

کراچی : عامر لیاقت تشیوشناک حالت میں ہسپتال منتقل،اطلاعات کے مطابق پی ٹی آئی کے رکن قومی اسمبلی عامر لیاقت حسین کو تشویشناک حالت میں اسپتال منتقل کردیا گیا۔کہا جارہا ہےکہ ڈاکٹرعامر لیاقت حسین کو تیز بخار کی شکایت پر کراچی کے ساؤتھ سٹی اسپتال میں داخل کیا گیا ہے۔

اس حوالے سے خود پی ٹی آئی ایم این اے کے آفیشل ٹوئٹر اکاؤنٹ سے یہ اطلاع دی گئی ’’عامر لیاقت حسین کی حالت تشویش ناک ہے اور انہیں ساؤتھ سٹی اسپتال منتقل کیا جارہا ہے‘‘۔

 

عامر لیاقت کے ٹوئٹر اکاؤںٹ سے ٹوئٹ کیے جانے کے بعد ان کے چاہنے والے انتہائی پریشان دکھائی دے رہے ہیں اور کچھ لوگوں نے تو پی ٹی آئی ایم این اے سے خیریت دریافت کرنے کے لیے فون کرنے کی بھی کوشش کی لیکن ان کا موبائل نمبر نہیں لگ رہا تھا جس پر مداحوں کی تشویش میں مزید اضافہ ہوگیا۔

واضح رہے تحریک انصاف کے ٹکٹ پر کراچی سے منتخب ہونے والے ایم این اے عامر لیاقت حسین کراچی کے مسائل پر کھل کر وزیراعظم عمران خان سے تحفظات کا اظہار کرتے رہے ہیں اور انہوں نے متعدد بار اپنا استعفیٰ بھی وزیراعظم کو پیش کیا جو قبول نہیں کیا گیا۔