بالی وڈ کے شہنشاہ کہلائے جانے والے امیتابھ بچن کا شمار آج بھی بالی وڈ کے سب سے زیادہ معاوضہ لینے والے فنکاروں میں ہوتا ہے، ان کی ہر فلم سے انہوں نے ثابت کیا کہ وہ بہترین اداکار ہیں . ان کی بہت ساری فلموں کے ری میک بھی بنے لیکن ان کی فلم ڈان ایسی رہی کہ جس کا دو بار ری میک بنا. اور دونوں فلموں میں بالی وڈ کے کنگ شاہ رخ خان نے کام کیا. امیتابھ بچن نے اپنی فلم ڈان کے حوالے سے حال ہی میں کئے ہیں کچھ انکشافات،
امیتابھ بچن نے کہا کہ جب فلم ڈان بنانے کا اعلان کا کیا گیا تو بہت سارے لوگوں کو ڈان کا مطلب ہی نہیں پتہ تھا، عام لوگوں کی چھوڑیں انڈسٹری کے لوگوں کو ہی نہیں پتہ تھا کہ ڈان کا مطلب کیا ہے سب یہی سوچ رہے تھے کہ شاید یہ کوئی برینڈ ہے، امیتابھ بچن نے کہا کہ اس فلم کی شوٹنگ کے دوران بہت اچھا وقت گزرا اور” ویسے تو میری ہر فلم میرے دل کے قریب ہے، لیکن ڈان سے میری خصوصی یادیں وابستہ ہیں”. یاد رہے کہ فلم ڈان 1978میں ریلیز ہوئی اس میں امیتابھ کے مقابلے میں زینت امان نے مرکزی کردار ادا کیا تھا.
