کورونا بحران:امتیابھ بچن کی دنیا سے بھارت کی مدد کرنے کی اپیل

گلوبل سیٹیزن فنڈ ریزنگ کنسرٹ میں بالی ووڈ لیجنڈری اور سینئیر اداکار امیتابھ بچن نے بھارت میں کورونا کی بگڑتی ہوئی صورتحال کے لیے مدد کی اپیل کی ہے-

باغی ٹی وی: امیتابھ بچن نے گلوبل سیٹیزن فنڈ ریزنگ کنسرٹ میں شرکت کی جس میں ہالی ووڈ کے دیگر بڑے ستارے بھی شامل تھے – گلوبل سیٹیزن فنڈ ریزنگ کنسرٹ ویکیسن کی فراہمی کی اہمیت اجاگرکرنے سے متعلق تھا۔

اس ورچوئل تقریب میں امریکی صدر جوبائیڈن، برطانوی شہزادہ ہیری اور کئی معروف ہولی وڈ شخصیات نے آن لائن خطاب کیا اور لوگوں سے کورونا سے نمٹنے کے لیے غریب ممالک کو ویکسین کی فراہمی کے لیے عطیات دینے کی اپیل کی۔

T 3900 – Privileged to be a part of the concert .. and the fight for India .. pic.twitter.com/vlyhKVc6QG

— Amitabh Bachchan (@SrBachchan) May 9, 2021

کنسرٹ میں امیتابھ بچن نے بھارت کے لیے مدد کی اپیل کرتے ہوئے کہا کہ میرا ملک اس وقت کورونا کی ہلاکت خیز لہر سے لڑ رہا ہے۔ اس تناظرمیں دنیا سے اپیل کرتا ہوں کہ بھارت کی مدد کی جائے، آپ اپنی اپنی حکومتوں سے فنڈزکی بات کریں اورفارماسوٹیکل کمپنیوں سے رابطہ کریں۔

اداکارنے اپیل کرتے ہوئے کہا کہ ہاتھوں کو ان کے لیے کھلا رکھیں جن کوآپ کی ضرورت ہے، ہرکوشش اہمیت رکھتی ہے، جیسا کہ مہاتما گاندھی نے کہا تھا کہ آپ آہستہ آہستہ دنیا کوہلاسکتے ہیں۔