دو روز قبل بھارتی میگا اسٹار امیتابھ بچن نے اپنی ٹویٹ میں صرف اتنا لکھا تھا کہ طبی مسائل ، سرجری ، کچھ نہیں لکھ پا رہا ہوں جس پر مداحوں میں تشویش کی لہر دوڑ گئی تھی۔

باغی ٹی وی : بھارتی میڈیا رپورٹس کے مطابق بگ بی طبی مسائل کے باعث اسپتال میں داخل ہوئے اور وہ بیماری کے باعث زیادہ لکھ بھی نہیں پا رہے تھے جس پر مداحوں میں تشویش کی لہر دوڑ گئی تھی تاہم اب اداکار نے مداحوں کو اپنی صحت سے متعلق تازہ صورت حال سے آگاہ کردیا ہے۔

رپورٹس کے مطابق امیتابھ بچن نے اپنے تازہ بلاگ میں طبیعت سے متعلق تحریر کرتے ہوئے لکھا کہ میری آنکھ کی سرجری ہوئی ہے۔ اس سے قبل میں خود کو سابق کرکٹر گیری سوبرز کی طرح محسوس کر رہا تھا۔

امیتابھ بچن نے مزید لکھا کہ اس عمر میں آنکھ کا آپریشن بہت نازک ہوتا ہے جس میں انتہا درجے کی احتیاط اور مکمل مہارت کی ضرورت ہوتی ہے۔ جس کے لیے میں اپنے سرجنز کا شکریہ ادا کرتا ہوں۔

امیتابھ بچن نے گیری سوبرز کی مثال اس لیے دی کیوںکہ ایک میچ میں سابق کرکٹر نے تیز رفتار نصف سینچری بناکر بھارتی ٹیم کو فتح دلوائی تھی۔

جب کرکٹر سے پوچھا گیا کہ یہ کارنامہ کس طرح ادا کیا تو گیری سوبرز کا جواب تھا کہ مجھے تین تین گیندیں نظر آرہی تھیں اور میں نے درمیان والی کو نشانے پر رکھا۔

یہ بھی آنکھوں کی ایک بیماری ہوتی ہے جس میں کبھی کبھی ایک کی جگہ تین تین اشکال نظر آنے لگتے ہیں اور شاید معروف اداکار کے ساتھ بھی یہ معاملہ ہوا تھا جس پر ان کی آںکھ کی سرجری ہوئی ہے۔

امیتابھ بچن کی حالیہ پوسٹ سے مداح تشویش میں مبتلا ہو گئے