fbpx

بھارتی پنجابی گلوکار ایمی ورک کو بھی پاکستانی ڈرامے نے اپنے سحر میں جکڑ لیا

بھارتی پنجابی معروف و مقبول گلوکار اور اداکار ایمی ورک بھی پاکستانی ڈرامے کی تعریف کرنے پر مجبور ہو گئے-

باغی ٹی وی : پاکستان میں مقبولیت کے ریکارڈ توڑنے والے بلاک بسٹر ڈرامے ” میرے پاس تم ہو” نے پنجابی گلوکار و اداکار ایمی ورک کو بھی اپنے سحر میں جکڑ لیا ہے۔

اس حوالے سے گلوکار نے اپنی انسٹاگرام اسٹوری میں پاکستانی بلاک بسٹر ڈرامہ سیریل ’میرے پاس تم ہو‘ کا ایک اسکرین شاٹ شیئر کیا۔

انہوں نے ڈرامے کی تعریف کرتے ہوئے ڈرامے کی کاسٹ کو ٹیگ کیا ڈرامے کے لکھاری خلیل الرحمان قمر سمیت عدنان صدیقی، ہمایوں سعید، عائزہ خان کی اداکاری کی تعریف بھی کی۔

پاکستانی ڈرامے کی سرحد پار سے شوبز کی معروف شخصیت کی جانب تعریف پر اب تک ڈرامے میں شامل کسی شخصیت اور نہ ہی خلیل الرحمن قمرنے اس پر ردعمل دیا ہے۔

واضح رہے کہ "میرے پاس تم ہو ” پاکستان کا بلاک بسٹر ڈرامہ ہے جس کے ہر ڈائیلاگ اور منظر نے لوگوں کی دا د و تحسین سمیٹی تاہم جہاں اس ڈرامے کو بے حد سراہا گیا وہیں اس ڈرامے کو اپنے متنازع ڈائیلاگز کی وجہ سے تنقید کا بھی سامنا رہا اور اس پر مقدمے بھی درج کئے گئے-اس ڈرامے کے مصنف معروف پاکستانی ڈرامہ نگار و شاعر خلیل الرحمن قمر ہیں جبکہ مرکزی کردار حرا مانی ، عائزہ خان ، ہمایوں سعید ، عدنان صدیقی اور چائلڈ اسٹار شیث سجاد نے ادا کئے-