آمنہ الیاس بھی کوروناوائرس کا شکار ہو گئیں

پاکستانی ماڈل و اداکارہ آمنہ الیاس بھی کوروناوائرس کا شکار ہو گئیں-

باغی ٹی وی : پاکستان میں کورونا کی تیسری لہر آ چکی ہےاور ملک بھر میں کورونا کے کیسز میں تیزی سے اضافہ ہو رہا ہے نیشنل کمانڈ اینڈ آپریشن سینٹر (این سی او سی )کے مطابق گزشتہ 24 گھنٹوں کے دوران پاکستان میں مثبت کیسز کی شرح 8.4فیصد رہی ہے۔جن میں معروف اور شوبز و سیاسی سماجی شخصیات بھی وائرس کا شکار ہو رہی ہیں جن میں اداکارہ و ماڈل آمنہ الیس بھی شامل ہیں-

ماڈل و اداکارہ آمنہ الیاس نے اپنے کورونا میں مبتلا ہونےکی اطلاع سوشل میڈیا ویب سائٹ انسٹاگرام اسٹوری اور پوسٹ پر کے ذریعے دی۔

انہوں نے اسٹوری میں لکھا کہ ان کا کوویڈ 19 کا ٹیسٹ مثبت آ گیا ہے۔’میں ان تمام لوگوں سے گزارش کرتی ہوں کہ جو گزشتہ ایک ہفتے کے دوران مجھ سے ملے یا میرے قریب رہے وہ بھی ٹیسٹ کروا لیں۔

انہوں نے اس حوالے سے ایک ویٰڈیو بھی پوسٹ کی اور کہاکہ میں ان تمام لوگوں سے گزارش کرتی ہوں کہ جو گزشتہ ایک ہفتے کے دوران مجھ سے ملے یا میرے قریب رہے وہ بھی ٹیسٹ کروا لیں خاص طور پر داور محمود اپنا ٹیسٹ ضرور کروا لیں-

اداکارہ نے اپنے چاہنے والوں سے بھی کورونا ایس او پیز پر عمل کرنے اور ماسک پہننے کی اپیل کی-

آمنہ الیاس کے لیے مداحوں اور ساتھی اداکاروں کی جانب دعاؤں کا سلسلہ جاری ہے-