آمنہ الیاس کو باڈی شیمنگ کے خلاف ایک ویڈیو جاری کرنے پر اپنی ہی ایک پرانی ویڈیو پر تنقید کا سامنا

0
41

پاکستان شوبز انڈسٹری کی نامور ماڈل و اداکارہ آمنہ الیاس آج کل رنگ گورا کرنے والی کریمز کی تشہیر پر تنقید کررہی ہیں اور سانولے رنگ اورموٹی جسامت والے افراد کی حمایت میں سوشل میڈیا پر آواز بُلند کرتے دکھائی دے رہی ہیں-

باغی ٹی وی :گزشتہ روز انسٹاگرام پر جاری ایک ویڈیو میں آمنہ الیاس نے باڈی شیمنگ کے خلاف ایک ویڈیو جاری کی تھی لیکن انہیں خود ہی اپنی ایک پرانی ویڈیو پر تنقید کا سامنا کرنا پڑگیا۔

انسٹاگرام پرجاری ایک ویڈیو جاری میں انہوں نے ایک منفرد انداز اپناتے ہوئے کم رنگ اور موٹے افراد کا مذاق اُڑانے والوں کے لیے حوصلہ افزا پیغام جاری کیا تھا-
https://www.instagram.com/p/CGSFmssn0SD/?utm_source=ig_embed
اداکارہ نے کہا تھا کہ سانولی رنگت اور موٹاپا کوئی مذاق نہیں ہے بلکہ یہ ایک بیماری ہے اور میری جنگ ہے اس بیماری کے ساتھ اور میں جب تک زندہ ہوں۔اتنی دیر میں کمرے کا دروازہ کھلتا ہے اور ایک خاتون آمنہ سے کہتی ہیں کہ ’آمنہ کوئی آیا ہے‘ جس پر وہ پوچھتی ہیں کہ ’کون آیا ہے امی؟

جواب میں خاتون کہتی ہیں کہ وہی کالا موٹا سا تیرا دوست۔

ویڈیو کے کیپشن میں انہوں نے لکھا تھا کہ یہ سب گھر سے شروع ہوتا ہے، رنگت اور موٹاپے سے متعلق مذاق اڑانے کی یہ پرانی اسکرپٹ ایک سے دوسری نسل میں منتقل ہوگئی ہے اور ہمیں لازمی طور پر مزید منتقل نہیں کرنا چاہیے۔

باڈی شیمنگ کے خلاف ویڈیو پیغام جاری کرنے کے بعد آمنہ الیاس کو ماضی میں آمنہ حق سے متعلق بیان پر تنقید کا نشانہ بنایا گیا۔

جبکہ سوشل میڈیا پر حسن شہریار یاسین(ایچ ایس وائے) ٹاک شو کا ایک پرانا ویڈیو کلپ بھی زیر گردش ہے جس میں ماڈلز آمنہ الیاس اور صدف کنول سیلیبریٹی کا نام بتانے کا ایک گیم کھیلتی دکھائی دے رہی ہیں۔

ویڈیو میں دیکھا گیا کہ جب پاکستان کی سابق سپرماڈل آمنہ حق سے متعلق پوچھا گیا تو آمنہ الیاس نے نشاندہی کی کہ ان کے وزن میں حیران کن طور پر اضافہ ہوا ہے۔

اس کے ساتھ ہی ویڈیو میں آمنہ الیاس اور صدف کنول کو اس تبصرے کے بعد خوشی کا اظہار کرتے ہوئے دیکھا گیا۔
https://www.instagram.com/p/CGSraaWnr7z/?igshid=yp24n5nhvc74
ویڈیو وائرل ہونے کے بعد ماڈل آمنہ حق نے بھی آمنہ الیاس کے اس بیان پر ردعمل دیتے ہوئے اپنی انسٹاگرام اسٹوری میں کہا کہ چند لوگوں نے مجھے ایک چیز میں ٹیگ کیا جس میں ایک ماڈل /اداکارہ نے مجھ سے متعلق بات کی۔

انہوں نے کہا کہ سچ بولا جانا چاہیے اگر میرے بارے میں اس باڈی شیمنگ سے کسی کی زندگی میں خوشی آتی ہے تو آئے۔

آمنہ حق نے مزید لکھا کہ ناخوش لوگ مہربانی اور شفقت کی بجائے نفرت کی طرف راغب ہوتے ہیں۔

سوشل میڈیا ہر جاری اس پوسٹ کے بعد آمنہ حق اور صدف کنول کو تنقید کا نشانہ بنایا گیا اور صارفین نے دونوں ماڈلز سے مطالبہ کیا کہ وہ آمنہ حق سے معافی مانگیں-


بعدازاں آمنہ الیاس کی جانب سے ایک اور ویڈیو جاری کی گئی جس میں وہ گاڑی میں کہیں جانے کے لئے تیار بیٹھی ہیں انہوں نے کہا کہ کیا منافقت؟ آپ کیا کہ رہے ہو؟ کہ میں نے کہا میں نے کہا، میں نے کیا کہا؟ کس نے موٹا کہا ؟ وہ تو میں ہوں ہی نہیں-
https://www.instagram.com/p/CGUybwhHSIb/?igshid=12gdu29o7qngt

آمنہ الیاس رنگ گورا کرنے والی کریموں کی تشہیر کرنے والی اداکاراؤں پر برہم

آمنہ الیاس کا گہری رنگت کے حوالے سے ایک اہم پیغام

سہانا خان کو رنگ پر تنقید کا سامنا ، سوشل میڈیا صارفین نے کالی چڑیل کہہ دیا

رنگ گورا کرنے والی 59 میں سے 57 کریموں میں کینسر پیدا کرنے والے عناصر شامل ہوتے ہیں زرتاج گُل

Leave a reply