آمنہ الیاس کو انڈسٹری میں کیا مسائل درپیش رہے ؟‌

0
41

ماڈلنگ سے اداکاری کی دنیا میں آنے والی آمنہ الیاس نے ثابت کیا ہے کہ وہ ایک بہترین اداکارہ ہیں، انہوں نے پاکستانی ڈراموں کے ساتھ ساتھ فلموں میں بھی اپنی صلاحیتوں کا لوہا منوایا. آمنہ الیاس نے اپنے حالیہ انٹرویو میں کہا ہے کہ میں جب ماڈلنگ سے اداکاری کی طرف آئی تو شروع میں ، میں بہت زیادہ خوش تھی لیکن جب باقاعدہ اداکاری شروع کی تو محسوس کیا کہ میری گہری رنگت کی وجہ سے مجھے نظر انداز کیا جا رہا ہے. آمنہ الیاس نے

کہا کہ حالانکہ میری اداکاری میں کوئی کمی نہیں تھی لیکن میری رنگت چونکہ دوسری ہیروئنز کی طرح نہیں تھی اسلئے میرے ساتھ تعصب برتا جاتا تھا. انہوں نے کہا کہ لیکن میں نے کبھی اس چیز کو سر پر سوار نہیں‌کیا تھا، میں جانتی تھی کہ میں نے کیسے چلنا ہے. میری خوش قسمتی ہے کہ مجھے کردار ملتےگئے میں کرتی گئی اور میرے ہر کردار نے میری صلاحیتوں کا لوہا منوایا. انہوں نے کہا کہ ےشک میری رنگت کی وجہ سے میرے ساتھ تعصب برتا جاتا تھا لیکن اس کے باوجود میرے پاس فلمیں باقی ہیروئنز کی نسبت زیادہ آئی ہیں.

Leave a reply