علی امین گنڈا پورکامریم نواز سے متعلق بیان، مسلم لیگ ن رہنماؤں سمیت شہباز شریف کا سخت رد عمل

0
49
علی-امین-گنڈا-پورکامریم-نواز-سے-متعلق-بیان،-مسلم-لیگ-ن-رہنماؤں-سمیت-شہباز-شریف-کا-سخت-رد-عمل #Baaghi

مسلم لیگ(ن) کے صدر اورقومی اسمبلی میں اپوزیشن لیڈر میاں شہباز شریف نے سخٹ ردعمل دیتے ہوئے کہا ہے کہ وفاقی وزیر علی امین گنڈاپور کی جانب سے ن لیگ کی نائب صدرمریم نواز کے خلاف شرمناک زبان کااستعمال قابل مذمت ہے۔

باغی ٹی وی : تفصیلات کے مطابق سماجی رابطے کی ویب سائٹ ٹوئٹر پر اپنے ایک بیان میں شہباز شریف کا کہنا تھا کہ علی امین گنڈاپور کا مریم نواز کےخلاف بیان شرمناک ہے،ان کے الفاظ خواتین کے خلاف نفرت کا اظہار کر رہے تھے ۔


اپوزیشن لیڈ ر نے کہا کہ ذرہ سوچیں کہ ایسی ذہنیت کے حامل لوگوں کو 22کروڑ عوام پر حکومت کی ذمہ داری سونپی گئی ہے۔

اس سے قبل رہنما مسلم لیگ ن طلال چودھری نے شدید مذمت کرتے ہوئے کہا تھا کہ مریم نواز کیخلاف گھٹیا زبان درازی کرنے والی زبانیں کھینچ لیں گے ، شہد کی بوتلیں استعمال کرنے والے اپنے گھر کی تربیت دنیا کو دکھا رہے ہیں۔ انہوں نے کہا تھا گنڈا پور کی زبان سے پتہ چل گیا کہ پی ٹی آئی کس کلچر کی پیداوار ہے گندے وزیر کی گندی ذہنیت اور گندی زبان آزاد کشمیر میں ڈی چوک والا گند پھیلا رہی ہے ۔

طلال چودھری نے کہا تھا کہ آزادجموں وکشمیر کے عوام دیکھ لیں کس معیار کے لوگ ان کے علاقے میں آئے ہیں ۔عمران خان نے قوم کو گالم گلوچ کا کلچر دیا۔

جبکہ سینئر نائب صدر مسلم لیگ ن شاہد خاقان عباسی نے کہا حکمران ٹولے کا شرافت ، تہذیب اور جمہوریت سے دور کا بھی واسطہ نہیں، مریم نواز کیخلاف زبان درازی عمران خان کی مرضی سے کی گئی، عمران خان کے بیانات اس حقیقت کی عکاسی ہے کہ یہ آزادکشمیر میں الیکشن ہار چکے ہیں، بیانات اور تقریروں سے عمران خان حکومت کی ذہنیت جھلک رہی ہے ۔

دوسری جانب علی امین کی اس شرمناک تقریر کے بعد پاکستان ٹوئٹر پینل پر ہیش ٹیگ #گنڈاپور_کی_گفتارپرلعنت ٹاپ ٹرینڈ پر ہے جس میں لوگوں کی جانب سے سخت رد عمل کا اظہار کیا جا رہا ہے-

واضح رہے کہ جلسے سے خطاب کرتے ہوئے علی امین گنڈا پور نے کہا تھا کہ او ڈاکو رانی مریم!تمہارے منہ پر اتنے تھپڑ پڑیں گے کہ تمہاری سرجری اتر جائے گی جو تم نے ہمارے پیسوں 8 کروڑ کی کروائی ہے ۔

انہوں نے کہا تھا کہ مریم سنو، تیرا دادا لوہار تھا، تمہاری بیٹی کی شادی پر تمہارے باپ نوازشریف نے مودی کو بلایا ، اس وقت نظر نہیں آیا کہ مودی کشمیر میں نوجوانوں کو مار رہا ہے ، ہماری بیٹیوں کی عصمت دری کررہا ہے ،تم نے اس دن تیار ہوکر 32 کلو سونا پہنا ہوا تھا ،تمہارے دادے کی گوالمنڈی دکان میں اتنا لوہا نہیں تھا جتنا تم نے سونا پہنا ہوا تھا، یہ ہمارے پیسوں کا سونا ہے ۔

Leave a reply