ڈپٹی کمشنر کا دورہ خانقاہ ڈوگراں

شیخوپورہ (محمد فہیم شاکر سے)ڈپٹی کمشنر شیخوپورہ محمد اصغر جوئیہ نے آج گورنمنٹ ڈگری کالج خانقاہ ڈوگراں میں کورونا ایس او پیز سمیت طلباء کو فراہم کی جانیوالی سہولیات کا جائزہ لیا اور شدید گرمی میں تعلیم کے حصول کے لیے آنیوالے طلباء کو ٹھنڈے پانی کی فراہمی اور بجلی کی بلا تعطل فراہمی یقینی بنانے کی ہدایت کی۔ ڈپٹی کمشنر محمد اصغر جوئیہ رورل ہیلتھ سنٹر خانقاہ ڈوگراں بھی گئے، ادویات کی فراہمی سمیت علاج معالجے کی سہولیات کا جائزہ لیا اور عملے کو ڈیوٹی ایمانداری سے ادا کرنے کی ہدایت کی بعد ازاں وہ اچانک نقشہ برانچ اور ٹی ایم اے دفتر پہنچ گئے اور عملے کی حاضری اور ٹی ایم اے کی کارکردگی کا جائزہ لیا۔ اس موقع پر ڈپٹی کمشنر محمد اصغر جوئیہ کا کہنا تھا کہ شہر کے ساتھ دیہاتوں میں مقیم افراد کو بہترین سہولیات کی فراہمی یقینی بنانے کے لیے سرپرائز وزٹ جاری رہیں گے۔