انٹرنیشنل کرکٹ میچ میں‌ کونسی ٹیم 6 سکور پر آؤٹ ہو گئی؟ 9 کھلاڑی صفر پر آؤٹ، ورلڈ ریکارڈ بن گیا

کرکٹ کو بائی چانس کہا جاتا ہے اور کہتے ہیں‌ کہ اس کھیل میں‌ کسی بھی وقت کچھ بھی ہو سکتا ہے لیکن شاید کوئی ایسا سوچ بھی نہیں‌ سکتا کہ کوئی ٹیم صرف 6 سکور پر آؤٹ ہو جائے گی لیکن یہ بات سچ ثابت ہو گئی ہے.

باغی ٹی وی کی رپورٹ کے مطابق ایسا واقعہ کرکٹ‌ کی تاریخ میں خواتین کے ٹی 20 میچ میں‌ دیکھنے میں‌ آیا ہے. یہ کوئی کلب کی ٹیموں‌ کا میچ نہیں‌ بلکہ یہ ایک بین الاقوامی میچ تھا جو روانڈا کے دارالحکومت کگالی سٹی میں کھیلا گیا. یہ میچ بھی روانڈا اور مالی میں کھیلا گیا جس میں‌ پہلے کھیلتے ہوئے مالی کی ٹیم صرف 6 سکور پر آؤٹ ہو گئی. کسی انٹرنیشنل ٹی 20 میچ میں یہ اب تک کا کم سے کم سکور ہے اور یہ ایک نیا ورلڈ‌ریکارڈ بن گیا ہے.

روانڈا اور مالی میں‌ ہونے والے اس انٹرنیشنل میچ میں‌ مالی کے 9 کھلاڑی صرف پر آؤٹ ہوئے اور پوری ٹیم 9 اوور میں آؤٹ‌ ہو گئی. اس میچ میں‌ صرف ایک رن بلے سے بنا جبکہ باقی پانچ رن ایکسٹرا تھے. روانڈا کی ٹیم نے یہ ہدف صرف چار گیندوں‌ پر حاصل کر لیا. روانڈا کیلئے انیس سالہ فاسٹ‌ باؤلر جوسین نائرن کندینیجا نے کوئی رن دئے بغیر تین وکٹ لئے ۔ اسی طرح میری ڈیانے اور لیگ اسپنر مارگیٹ ویمولیا نے دو دو وکٹ لئے ۔

واضح‌ رہے کہ اس سے قبل رواں‌ برس جنوری میں‌ چین کی خواتین کی ٹیم 14 سکور پر آؤٹ ہو گئی تھی تاہم مالی نے اب یہ ریکارڈ‌ توڑ دیا ہے.