کاشانہ کی بیٹیوں کی پرخلوص دعاﺅں نے وزیراعلیٰ پنجاب کوحادثہ سے بچالیا ،افشاں لطیف

0
58

کاشانہ ویلفیئرہوم میں زیرکفالت یتیم ومستحق بیٹیوں کی طرف سے منگل کے روزکاشانہ کی مسجدمیں اپنے محسن ومسیحا وزیراعلیٰ پنجاب سردارعثمان بزدار کی صحت وسلامتی اوردرازی عمر جبکہ معتوب کشمیریوں کی آسودگی و آزادی کیلئے قرآن خوانی اور خصوصی دعائیہ تقریب کااہتمام کیا گیا۔وزیراعلیٰ پنجاب سردارعثمان بزدار نے اپنے جذبہ ایثار اورقیمتی تحائف سے کاشانہ کی بیٹیوں کواپناگرویدہ بنالیا ہے ۔

اخباری اطلاعات کے مطابق گذشتہ دنوںوزیراعلیٰ پنجاب سردارعثمان بزدار کے ہیلی کاپٹر سے پرندہ ٹکراگیا تھا تاہم اللہ رب العزت کے خاص فضل وکرم سے وزیراعلیٰ سردارعثمان بزدار اس حادثہ میں محفوظ رہے ۔

کاشانہ کی سپرنٹنڈنٹ مسزافشاں لطیف نے قرآن خوانی کے بعد دعائیہ تقریب میں شریک بیٹیوں سے خطاب کرتے ہوئے کہا کہ وزیراعلیٰ سردارعثمان بزدار پنجاب کے خاموش معمار ہیں ۔ پنجاب کیلئے وزیراعلیٰ سردارعثمان بزدار کی گرانقدر خدمات قابل قدر ہیں۔انہوں نے کہا کہ کاشانہ کی یتیم وبے سہارااورناداربیٹیوں کیلئے سردارعثمان بزادر کسی شجرسایہ دارکی مانند ہیں،وہ جس شفقت اوراپنائیت کے ساتھ کاشانہ میں زیرکفالت بیٹیوں کی ضروریات کاخیال رکھتے ہیں ان کایہ صادق جذبہ مستحسن ہے۔وزیراعلیٰ پنجاب سردارعثمان بزدار انتہائی شفیق ومہربان اورغریب پرورانسان ہیں،انہیں کاشانہ کی یتیم ومستحق بیٹیاں اپنی دعاﺅں میں شامل رکھتی ہیں۔بلاشبہ پنجاب کے عوام اوربالخصوص کاشانہ کی بیٹیوں کی پرخلوص دعاﺅں نے وزیراعلیٰ پنجاب سردارعثمان بزدار کوحادثہ سے بچالیا ۔

Leave a reply