لندن میں‌اسرائیلی جارحیت اور بربریت کے خلاف ہزاروں لوگ سڑکوں پر نکل آئے

لندن میں‌اسرائیلی جارحیت اور بربریت کے خلاف ہزاروں لوگ سڑکوں پر نکل آئے

باغی ٹی وی : غزہ میں اسرائیل کے ظلم وستم کے خلاف ہزاروں افراد نے فلسطینیوں کی حمایت میں وسطی لندن کے راستے مارچ کیا۔

احتجاج کے منتظمین نے برطانیہ کی حکومت سے مطالبہ کیا کہ "فلسطینی عوام کے خلاف اسرائیل کے وحشیانہ تشدد اور ظلم” کو بند کرایا جائے . مظاہرین نے "آزاد فلسطین” کے نعرے لگاتے ہوئے اسرائیلی سفارت خانے کی طرف مارچ کیا۔

اسرائیل کا کہنا ہے کہ غزہ میں شہید ہونے والوں میں درجنوں عسکریت پسند بھی شامل ہیں جبکہ فلسطینی صحت کے حکام کا کہنا ہے کہ قریب نصف خواتین اور بچے ہیں۔

یہ مقبوضہ مشرقی یروشلم میں کئی ہفتوں کے بعد اسرائیلی فلسطین میں کشیدگی پھیلانے کے بعد ہوا جس کے نتیجے میں ایک مقدس مقام پر جھڑپوں کا نتیجہ نکلا ۔ حماس – عسکریت پسند اسلام پسند گروہ جو غزہ پر حکمرانی کرتا ہے – نے اسرائیلی کو اس جگہ سے پیچھے ہٹنے کی انتباہ کے بعد راکٹ فائر کرنا شروع کردیئے ، اور انتقامی ہوائی حملوں کا آغاز کیا۔

لندن میں فلسطین کےحق میں بڑی تعداد میں مظاہرین سڑکوں پر نکل آئے۔ فلسطینی پرچم تھامےمظاہرین Marble Arch پر جمع ہوئے اور اسرائیلی سفارتخانےکی جانب مارچ کیا۔لندن میں فلسطین کی حمایت میں ڈیڑھ لاکھ سے زائد لوگ شریک ہوئے ،ان مظاہروں میں اسرائیل کے بائیکاٹ کا مطالبہ بھی کیا گیا

‏عراق کے دارالحکومت کے تحریر سکوائر میں فلسطین کی حمایت میں بڑا احتجاجی مظاہرہ کیا گیا جس میں ہزاروں لوگوں نے شرکت کی اور اسرائیلی حملے روکنے اور فلسطین کی آزادی کا مطالبہ کیا گیا

یورپی یونین کے دارالحکومت برسلز میں فلسطین کی حمایت میں بڑا مظاہرہ ہوا ،جس میں‌ ہزاروں افراد نے شرکت کی اور اسرائیل کے بائیکاٹ کا مطالبہ کیا گیا ، مبصرین کےمطابق برسلز میں فلسطین کی حمایت میں یہ سب سے بڑا مظاہرہ ہے۔ مظاہرین کا کہنا تھا کہ عوام تمام حکومتوں سے بڑے ہیں، ہماری بات سنو، اسرائیل کی حمایت بند کرو

اسپین کے دارالحکومت میڈرڈ میں بھی فلسطین کےحق میں ہزاروں افراد نے مظاہرہ کیا۔اس طرح جرمن دارالحکومت برلن میں بھی غزہ میں اسرائیلی مظالم کیخلاف پرامن مظاہرہ کیاگیا۔اسرائیل کےغزہ پرحملوں کے خلاف فرانسیسی دارالحکومت پیرس میں بھی مظاہرے ہوئے، مظاہرین پرمنتشرکرنے کے لیے پولیس نے آنسوگیس کا استعمال کیا۔

‏آسٹریلیا کے شہر سڈنی میں فلسین کی حمایت میں بڑا احتجاجی مظاہرہ ہوا، جس میں ہزاروں لوگوں نے شرکت کی ،مظاہروں میں اسرائیلی مظالم ختم کرنے اور فلسطینیوں کو ان کی الگ آزاد ریاست سمیت حقوق دینے کا مطالبہ کیا گیا