اسرائیل کی حمایت، مایا علی نے کنگنا رناوت کو کھری کھری سُنا دیں

0
27

اسرائیل کی حمایت میں پوسٹ شئیر کرنے پر مایا علی نے کنگنا رناوت کو آڑے ہاتھوں لیتے ہوئے کھری کھری سُنا دیں-

باغی ٹی وی : کنگنا رناوت پاکستان اور مسلمانوں کے بارے مخالف بیان بازی کرنے کا کوئی موقع ہاتھ سے نہیں جانے دیتی ہمیشہ کی طرح اس بار بھی بالی وڈ کی اسلام دشمن اداکارہ اسرائیل کی حمایت میں بیان بازی کر کے ٹوئٹر پر ٹرینڈ کر رہی ہیں۔ یاد رہے کہ کنگنا کی انہی’ حرکتوں‘ کی وجہ سے رواں ماہ ہی ٹوئٹرنے بالی وڈ کی اس ڈاکورانی کا اکاؤنٹ مستقل طورپربند کردیا ہے۔

ٹوئٹر سے دھتکارے جانے والی بالی ووڈ اداکارہ کنگنا رناوت نے انسٹا گرام اسٹوری پر لکھا تھا کہ ’ بھارت بنیاد پرست اسلامی دہشت گردی کے خلاف جنگ میں اسرائیل کے ساتھ کھڑا ہے، اور جو لوگ یہ سمجھتے ہیں کہ دہشت گردی کا جواب دھرنے سے دیا جانا چاہیئے وہ اسرائیل سے سبق سیکھیں۔‘

تاہم کنگنا کے اس بیان کوسوشل میڈیا صارفین کی جانب سے شدید تنقید کا نشانہ بنایا گیا۔ اورکنگنا کی اس پوسٹ کی مخالفت میں نہ صرف ٹوئٹرپر گزشتہ روز KanganaRanaut# ٹرینڈ کررہا ہے بلکہ پاکستانی اداکارہ مایا علی نے بھی کنگنا کی خوب کلاس لے ڈالی-

اداکارہ مایا علی نے کنگنا کی اسٹوری کو ری پوسٹ کرتے ہوئے لکھا’ مجھے بہت افسوس ہے اور میری دعا ہے کہ تم جلد ٹھیک ہوجاؤ، کسی میں کم از کم انسانیت تو ہونی چاہیے، اس کے ساتھ ہی انہوں نے PalestenianLivesMatter# کا ہیش ٹیگ بھی استعمال کیا-

Leave a reply