ملک کے بیشتر اضلاع میں موسم گرم اور خشک رہے گا،محکمہ موسمیات

ملک کے بیشتر اضلاع میں موسم گرم اور خشک رہے گا،محکمہ موسمیات

باغی ٹی وی : محکمہ موسمیات کے مطابق جنوبی پنجاب ، بالائی سندھ ،شما ل مشرقی بلوچستان اور کشمیر میں بارش کا امکان ہے جبکہ اسلام آباد میں موسم گرم اور خشک رہے گا تاہم اسلام آباد میں بعض مقامات پر تیز ہواؤں اور گرج چمک کے ساتھ بارش کا امکان ہے-

سیالکوٹ، گجرات ،لاہور اور فیصل آباد میں بھی چند مقامات پر بار ش کا امکان، ملتان،رحیم یارخان ، بہاولپور،بہاولنگر اورڈی جی خان میں بارش کا امکان ، خطۂ پوٹھوہار، منڈی بہاؤالدین، گوجرانوالہ اور نارووال میں بارش متوقع-

بلوچستان کے شہر تربت، چاغی، سبی اور کوہلو میں موسم شدید گرم رہے گا، بارکھان ، قلات ، لسبیلہ اور خضدار میں بارش متوقع-

سندھ کے بیشتر اضلاع میں موسم گرم اورخشک رہے گا ،سکھر،لاڑکانہ ،بینظیر آباد اور دادو میں تیز ہواؤں اور گرج چمک کے ساتھ بارش کا امکان ، دادو، جیکب آباد، پڈعیدن ، موہنجو داڑو،روہڑی اور میر پور خاص میں گرمی کی شدت برقرار رہے گی-

خیبرپختونخوا کے بیشتر اضلاع میں موسم گرم اور خشک رہے گا،مانسہرہ ، ایبٹ آباد اور بالاکوٹ میں چند مقامات پرتیز ہواؤں اور گرج چمک کے ساتھ بارش متوقع-

گلگت بلتستان میں مطلع جزوی طور پر ابر آلود اور موسم خشک رہے گا جبکہ کشمیر میں تیز ہواؤں اورگرج چمک کے ساتھ بارش کا امکان ہے-