ایس پی اقبال ٹاؤن محمد اجمل کا تھانہ گلشن اقبال کا دورہ، سیکیورٹی کے بارے میں بریفنگ

0
23

ایس پی اقبال ٹاؤن نے ناکہ بابو صابو کو چیک کیا ہے اور سکیورٹی کے بارے میں بریف بھی کیا ہے.
ایس ڈی پی او نواں کوٹ اور ایس ایچ او شیرا کوٹ بھی موجود تھے. ایس پی اقبال ٹاؤن محمد اجمل رائے نے گلشن اقبال تھانہ کا وزٹ بھی کیا ہے. ایس ایچ او گلشن اقبال بھی موجود تھے.

تھانہ کے ریکارڈ اور اہلکاران و افسران کی حاضری کو چیک کیا گیا. محرر تھانہ کو تمام تر ریکارڈ کی بروقت تکمیل کرنے کی ہدایت بھی کی ہے.حوالات کی صفائی اور قیدیوں کی حفاظت کے اقدامات کا جائزہ لیا ہے.

تھانہ کی حفاظت پر مامور اہلکار کو الرٹ رہنے کی ہدایات دی ہیں. گیٹ پر موجود انٹری رجسٹر کو چیک کیا گیا. ایس پی اقبال ٹاؤن کے مطابق تھانہ میں لگے کیمروں کو چیک کیا گیا اور فنکشنل حالت میں رکھنے کی ہدایت دی گئی. غیر قانونی حراست ,زیر حراست ملزمان پر تشدد اور نجی ٹارچر سیل جیسے اقدامات ہرگز برداشت نہیں کیے جائیں گے

ایس پی اقبال ٹاؤن نے کہا کہ فرنٹ ڈیسک پر موصول ہونے والی درخواستوں کو فوری برائے کاروائی متعلقہ افسران کے حوالے کریں.
انھوں نے کہا کہ کرایہ داران اور پرائیویٹ ملازمان کے اندارج کو یقینی بنائیں.

ایس پی اقبال ٹاؤن نے تھانہ کے مالخانہ اور صفائی کو چیک کیا اور صفائی کو بہتر رکھنے کی ہدایات دیں. انہوں نے کہا کہ افسران ماتحت اہلکاران کے ساتھ اچھے رویے سے پیش آئیں، عوام الناس کے ساتھ تحمل مزاجی اور احترام سے پیش آئیں. انہوں نے کہا کہ تھانہ میں آنے والے عوام الناس کو ہر صورت میں صاف ستھرا اور منظم ماحول فراہم کریں گے.

انھوں نے ہدایت دی کہ تھانہ میں آنے والے عوام الناس کے ساتھ خوش اخلاقی سے پیش آئیں اور اولین ترجیحات پر عوام الناس کے مسائل کو حل کریں.

Leave a reply