عالمی وبا کورونا وائرس کے باعث امریکہ میں بھی بند سینما ہالز کھل گئے

گذشتہ برس دسمبر 2019 میں چین کے شہر ووہان سے شروع ہونے والی کورونا وائرس کی وبا کی وجہ سے رواں برس مارچ سے دنیا کے متعدد ممالک میں لاک ڈاؤن نافذ تھا سیاسی ثقافتی اور شوبز ،تعلیمی اور مذہبی سرگرمیوں کے ساتھ ساتھ تفریحی مقامات اور سینما پاؤسز پے بھی پابندی عائد تھی-

باغی ٹی وی : امریکہ میں رواں برس مارچ کے آغاز میں کورونا کی وبا پھیلنے کے بعد سینما ہاؤسز بند کرکے فلموں کی نمائش روک دی گئی تھی جب کہ نئی فلموں کی شوٹنگ بھی بند کردی گئی تھی امریکہ میں دنیا بھر میں سب سے زیادہ کیسز رپورٹ ہوئے ہیں اور وہاں پر وبا سے 58 لاکھ کے قریب افراد متاثر ہوئے ہیں جب کہ وہاں 17 لاکھ سے زائد افراد ہلاک ہوئے۔

اگرچہ امریکا میں کورونا کے کیسز تیزی سے آتے رہے تاہم اس کے باوجود وہاں پر انتہائی سخت لاک ڈاؤن نہیں دیکھا گیا اور کئی ریاستوں کے تفریحی اور عوامی مقامات بھی کھلے رہے۔تاہم اب امریکہ میں بند سینما بھی کُھل گئے ہیں

خبر رساں ادارے رائٹرز کے مطابق کورونا سے سب سے زیادہ متاثرہ ملک امریکہ کی متعدد ریاستوں کے بڑے اور درمیانے شہروں میں سینما ہالز کھل گئے۔

ریاست فلوریڈا، ٹیکساس اور جارجیا سمیت دیگر ریاستوں میں بھی سینما کھلے تو ہا لی وڈ تھرلر فلم ان ہنجڈ کو ریلیز کیا گیا جس نے پہلے ہی ہفتے ریکارڈ کمائی کی۔

کورونا کے کیسز میں تھوڑی سی کمی کے بعد اگست کے وسط کے بعد سخت احتیاطی تدابیر کے ساتھ سینما ہاؤسز کھولے گئے تو امریکہ بھر کے 1800 سے زائد سینما ہاؤسز میں تھرلر فلم ان ہنج’ کو ریلیز کیا گیا۔

ان ہنجڈ کے لئے سب سے زیادہ ٹکٹ فروخت لاس اینجلس ، سان فرانسسکو اور سیکرامنٹو کے علاوہ ڈلاس ، ہیوسٹن ، شکاگو ، اٹلانٹا اور اورلینڈو میں ملٹی اسکرین تھیٹرس سے ہوئی ہے۔

ان ہنجڈ کی ٹیم نے ابتدائی طور پر فلم کو جہاں 1800 سینماؤں میں ریلیز کیا ہے وہیں ٹیم فلم کو آئندہ ہفتے تک مزید 2300 فلموں میں ریلیز کرنے کا ارادہ رکھتی ہے۔

اگرچہ امریکا کی چند ریاستوں میں سینما کھول دیئے گئے ہیں تاہم کیلی فورنیا، نیویارک اور نیو جرسی جیسی زیادہ سینما والی ریاستوں میں تاحال سینما بند ہیں اور خیال ظاہر کیا جا رہا ہے کہ وہاں ستمبر کے وسط تک سینما بند رہیں گے۔

رائٹرز نے اپنی رپورٹ میں ایک ویب سائٹ کا حوالہ دیتے ہوئے بتایا گیا کہ امریکا کی چند ریاستوں کی طرح کینیڈا کی چند ریاستوں میں بھی سینما کھول دیے گئے۔

کینیڈا کی بھی متعدد ریاستوں میں ایک ہزار سے زائد سینما کھول دیے گئے اور وہاں سائنسدان کی زندگی پر بنائی گئی فلم ٹیسلا ریلیز کردی گئی۔

ہالی وڈ فلم ’ونڈر وومن 1984‘ کا دوسرا ٹریلر ریلیز کرتے ہوئے وارنر برادرز نے فلم کو…

ہالی وڈ ایکشن تھرلر فلم ’ٹینیٹ‘ ریلیز