سابق امریکی صدر ڈونلڈ ٹرمپ کی شکست پر عتیقہ اوڈھو کا دلچسپ تبصرہ

پاکستان شوبز انڈسٹری کی سینئر اداکارہ عتیقہ اوڈھو نے سابق امریکی صدر ڈونلڈ ٹرمپ کی شکست پر دلچسپ تبصرہ کیا جسے سوشل میڈیا صارفین کی جانب سے خوب پسند کیا جا رہا ہے-

باغی ٹی وی : حال ہی میں ہونے والے امریکی صدارتی انتخابات میں 77 سالہ جوبائیڈ ن امریکہ کے 46ویں صدر منتخب ہوئے ہیں جبکہ 74 سالہ ڈونلڈ ٹرمپ کو ان اتنخابات میں شکست کا سامنا کرنا پڑا۔ نتائج کے بعد جہاں دیگر لوگ ٹرمپ کی شکست پر دلچسپ تبصرے کر رہے ہیں تو وہیں پاکستان کی سینئر اداکارہ عتیقہ اوڈھو بھی کسی سے پیچھے نہ رہیں ڈونلڈ کی ٹرمپ پر منفرد انداز میں دلچسپ تبصرہ کر دیا-

عتیقہ اوڈھو نے سماجی رابطے کی ویب سائٹ انسٹاگرام پر پاکستان کی عالمی شہرت یافتہ اداکارہ ماہرہ خان کے ہمراہ ایک یادگار تصویر پوسٹ کی ہے جس میں ماہرہ بڑے ہی پُرجوش انداز میں مسکراتی دکھائی دے رہی ہیں جبکہ عتیقہ اوڈھو بھہ مسکر رہی ہیں-

عتیقہ اوڈھو نے اداکارہ ماہرہ خان کے مقبول ترین کردار ’خرد‘ کا نام لیتے ہوئے دلچسپ تبصرہ کچھ اس طرح کیا:

خرد: ممی ٹرمپ چلا گیا، جو بائیڈن جیت گیا، چلیں جشن مناتے ہیں کیونکہ اب امریکہ اپنے تاریک دنوں سے باہر نکل آئے گا۔

فریدہ: ہاں بیٹا واقعی یہ ایک زبردست دن ہے! کیوں نہ تم امریکہ چلی جاؤ اور میرے بیٹے کو تنہا چھوڑ دو۔

عتیقہ اوڈھو نے اپنی پوسٹ کے کیپشن میں ہیش ٹیگ USelection2020 اور JoeBidenWins بھی استعمال کیا۔

واضح رہے کہ ماہرہ خان اور عتیقہ اوڈھو نے مقبول ترین ڈرامہ سیریل ’ہمسفر‘ میں ایک ساتھ کام کیا تھا جس میں ماہرہ نے ’خرد‘ اور عتیقہ اوڈھو نے ’فریدہ‘ کا کردار نبھایا تھا۔

واجھ رہے کہ اس سے قبل جوبائیڈن کے نئے صدر منتخب ہونے پر پاکستانی فنکاروں نے مبارکباد اور نیک خواہشات کا اظہار کیا ہے جس میں مہوش حیات ، فخر عالم ، ارمینا خان اور قراۃالعین بلوچ شامل ہیں-انہوں نے امید ظاہر کی کہ امید جوبائیڈن کی جیت ہم سب کے لیے اچھی خبر لے کر آئے گی-

مہوش حیات کی جانب سے امریکی صدارتی انتخاب سے متعلق بیان پر صارفین کے دلچسپ تبصرے

جب امریکہ چھینکتا ہے تو پوری دنیا میں ٹھنڈ شروع ہوجاتی ہے مہوش حیات

مہوش حیات کی جانب سے امریکی صدارتی انتخاب سے متعلق بیان پر صارفین کے دلچسپ تبصرے

جب امریکہ چھینکتا ہے تو پوری دنیا میں ٹھنڈ شروع ہوجاتی ہے مہوش حیات

جواب چھوڑیں

آپ کا ای میل ایڈریس شائع نہیں کیا جائے گا.