پیر محل : جماعت اسلامی نے باقاعدہ طور پر مشاورتی کونسل کی تشکیل کر دی ۔

باغی ٹی وی : پیرمحل (وقاص شریف نامہ نگار)جماعت اسلامی نے پیر محل کے لئے باقاعدہ طور پر مشاورتی کونسل کی تشکیل کر دی ۔
تفصیلات کے مطابق: جماعت اسلامی پاکستان نے پیر محل کے لئے باقاعدہ طور پر مشاورتی کونسل تشکیل دے دی ہے اس سلسلے میں راؤ ظفر اقبال ریٹائرڈ تحصیلدار کو گروپ لیڈر بنا دیا گیا ہے مشاورتی کونسل کی توثیق چیرمین رانا عابد خان نے کر دی ہے ۔ امیر جماعت اسلامی پنجاب جاوید قصوری نے گروپ لیڈر کی دستار بندی کی ۔ جماعت اسلامی تحصیل پیرمحل کے امیر رانا غلام عباس نے رابطہ کرنے پر ایکسپریس سندیلیانوالی کو بتایا کہ جماعت اسلامی میونسپلٹی ۔ بلدیاتی ۔ صوبائی اور قومی اسمبلی کے امیدواروں کی نامزدگی کرے گی اور ہر پلیٹ فارم پر جماعت اسلامی ایک ملک گیر سیاسی جماعت ہونے کے ناطے اپنے امیدوار سامنے لائے گی ۔ واضح رہے کہ جماعت اسلامی جو کہ ایک مذہبی اور سیاسی جماعت ہے ملک بھر کی سیاسی و مذہبی جماعتوں میں نمایاں مقام رکھتی ہے اور منظم جماعت کے طور پر اپنی خصوصی حیثیت کو برقرار رکھے ہوئے ہے