fbpx

پنجاب میں آٹامزیدمہنگا،نان بائیوں کاروٹی کی قیمت 40روپےکرنےکااعلان

لاہور:لاہور سمیت پنجاب بھر میں آٹے کا بحران شدت اختیار کرگیا۔ چکی مالکان نے قیمت میں 10 روپے فی کلو اضافہ کردیا جس کے بعد نرخ 165 روپے فی کلو ہوگئے۔ چکی مالکان نے بھی روٹی کی قیمت بڑھانے کا اعلان کردیا۔

غیرملکیوں کو لوٹنے والا ملزم گرفتار

پنجاب میں آٹے کا بحران شدت اختیار کرتا جارہا ہے، حکومت اور ضلعی انتظامیہ قیمتیں برقرار رکھنے میں بری طرح ناکام ہوگئیں۔ چکی مالکان نے ایک مرتبہ پھر آٹا 10 روپے فی کلو بڑھا دیا، جس کے بعد فی کلو نرخ 160 روپے پر پہنچ گئے۔رپورٹ کے مطابق 80 کلو والی فائن میدے کی بوری بھی ایک ماہ میں بار بار مہنگی ہوکر 4 ہزار کے مجموعی اضافے کے بعد 12 ہزار 600 کی ہوگئی، 15 کلو والا آٹے کا تھیلا 200 روپے اضافے کے بعد 2150 میں فروخت ہورہا ہے۔

ایل سیز کو بغیر کسی رکاوٹ کے کھولنا ناگزیر ہے. شیخ عبدالرزاق کا اسٹیٹ بینک کو خط

سستا سرکاری آٹا مارکیٹ سے غائب ہے جس کی وجہ سے شہری پریشانی کا شکار اور مہنگا آٹا خریدنے پر مجبور ہیں۔ صوبائی وزیر خوراک حسنین بہادر دریشک کا کہنا ہے روزانہ 23 ہزار میٹرک ٹن آٹا ٹریکنگ پوائنٹس پر دے رہے ہیں، جہاں ذخیرہ اندوزی کی شکایت ملے گی کارروائی کریں گے۔

پی آئی اے مدتوں سے بیمار ادارہ،،ہم کام کررہے ہیں،خواجہ سعد رفیق

دوسری جانب متحدہ نان روٹی ایسوسی ایشن نے 16 جنوری سے نان 40 اور سادہ روٹی 35 روپے کرنے کا اعلان کردیا۔صدر نان بائی ایسوسی ایشن کا کہنا ہے کہ چکی اور فائن آٹے کی قیمیتں بڑھنے کیخلاف 12 جنوری کو پنجاب بھر میں ہڑتال بھی کریں گے۔