عمران خان کادورکامیابیوں‌ کادور:گوادرکےایک علاقےکو انٹرنیشنل روڈ ٹرانسپورٹ کراسنگ پوائنٹ کادرجہ مل گیا

کوئٹہ: عمران خان کا دور کامیابیوں‌ کا دور:گوادر کے ایک علاقے کو انٹرنیشنل روڈ ٹرانسپورٹ کراسنگ پوائنٹ کا درجہ مل گیا،اطلاعات کے مطابق بلوچستان کے شہر گوادر کے علاقے گبد کو انٹرنیشنل روڈ ٹرانسپورٹ کراسنگ پوائنٹ کا درجہ دے دیا گیا۔

تفصیلات کے مطابق ایف بی آر نے ایک سرکلر جاری کیا ہے جس میں گوادر کے علاقے گبد کے بطور آئی آر ٹی بارڈر کراسنگ کا اعلان کیا گیا ہے۔اس حوالے سے مزید معلوم ہوا ہے کہ دسمبر 2020 میں پاکستان اور ایران کو بین الاقوامی بارڈر کراسنگ کا درجہ دیا گیا تھا۔

ایف بی آر کا کہنا ہے کہ آئی ٹی آر کنونشن کا مقصد کسٹم ٹرانزٹ طریقہ کار کو با سہولت بنانا ہے، مسافر اور ڈرائیور حضرات موٹر ویزے کے ساتھ سرحد عبور کر سکتے ہیں۔

ایف بی آر کے مطابق پاکستان نے سال 2017 میں آئی آر ٹی کنونشن کی رکنیت حاصل کی تھی، آئی آر ٹی میں چین، ایران، افغانستان، وسط ایشائی سمیت 77 ممالک شامل ہیں، رکنیت کے بعد پاکستان نے سمندری اور زمینی ٹی آئی آر کراسنگ کا اعلان کیا ہے۔