اب ہوگا دما دم مست قلندر:لندن میں موجود اہم سیاسی شخصیت نے پاکستان واپسی کی بکنگ کروا لی

0
35

اسلام آباد:اب ہوگا دما دم مست قلندر:لندن میں موجود اہم سیاسی شخصیت نے پاکستان واپسی کی بکنگ کروا لی ،اطلاعات کے مطابق لندن میں‌ مقیم پاکستان کی اہم سیاسی شخصیت نے پاکستان واپس آنے کا فیصلہ کرلیا ہے اوریہ بھی اطلاعات ہیں کہ سیٹ بک کروا لی گئی ہے،

ذرائع کے مطابق یہ معروف اوربڑی سیاسی شخصیت جہانگیر خان ترین ہیں جن کا کہنا ہے کہ رواں ماہ پاکستان واپس آرہا ہوں، علاج کی غرض سے بیرون ملک آنا پڑا،

جہانگیر خان ترین کا کہنا ہے کہ وہ بہت جلد واپس آکر معاملات کو دیکھیں گے

ذرائع کا کہنا ہے کہ جہانگیر ترین نے پاکستان واپسی کیلئے بکنگ کرالی ہے، جہانگیرخان ترین چند ماہ پہلے پاکستان سے لندن پہنچے تھے۔یہ بھی معلوم ہوا ہے کہ جہانگیر ترین 7ماہ سے ہیمپشائر کنٹری ہوم میں مقیم ہیں، وہ شوگر کمیشن کی رپورٹ جاری ہونے کے بعد سے بیرون ملک مقیم ہیں۔ذرائع کے مطابق جہانگیر ترین نے برطانیہ میں قیام کے دوران کوئی سیاسی ملاقات نہیں کی۔

یاد رہے کہ چینی اسکینڈل میں نام آنے کے بعد جہانگیر ترین بیرون ملک چلے گئے تھے، معلوم ہوا تھا کہ وہ لندن سے کچھ فاصلے پر نیوبری میں اپنے ہائیڈ ہاؤس نامی فارم ہاؤس رہائش پذیر ہیں۔

جہانگیر ترین کے ساتھ ان کے صاحب زادے علی ترین بھی اسی فارم پر موجود تھے، انہوں نے گزشتہ دنوں بیٹے کے ہمراہ سوئٹزرلینڈ کا بھی دورہ کیا تھا۔

Leave a reply