fbpx

انجیلینا جولی کا سابق شوہربریڈ پٹ پر تشدد کا الزام:بچوں کو بھی تشدد کا نشانہ بنایا، انجیلینا جولی

نیویارک :ہالی ووڈؑ اداکارہ انجلینا جولی نے اپنے سابق شوہر بریڈ پٹ پر اپنے اور بچوں پر تشدد کا الزام لگایا ہے۔امریکی میڈیا رپورٹس کے مطابق انجیلینا جولی اور ان کے سابق شوہر بریڈ پٹ کے درمیان فرانس میں ان کی مشترکہ جائیداد کی ملکیت پر عدالتی جنگ جاری ہے۔

انجیلینا جولی نے عدالت میں ایسی دستاوزیات جمع کرائی ہیں جن میں یہ دعویٰ کیا ہے کہ بریڈ پٹ نے انہیں اور ان کے بچوں کو اس تشدد کا نشانہ بنایا۔

ممنوعہ فنڈنگ کیس: پی ٹی آئی کیخلاف میں مقدمہ درج:ایف آئی اے نے تحقیقات شروع کردیں

ہالی ووڈ اداکارہ نےعدالت کے روبرو دعویٰ کیا ہےکہ 2016 میں ایک فضائی سفرکے دوران بریڈ پٹ خاصے جارحانہ تھے،ایئرپورٹ پہنچنے سے پہلے وہ اپنے ایک بچےکو برا بھلا کہہ رہے تھے۔ پرواز کےدوران انجیلینا جولی نے بریڈ پٹ سے استفسار کیا تو بریڈ پٹ نے جولی پر بچوں کی بے جا حمایت کا الزام لگایا۔

بچوں کو اغوا کرنے والوں کو عبرت کا نشان بنا دیں گے، علی امین

عدالت میں جمع کرائی گئی دستاویزات میں کہا گیا ہے کہ معاملہ یہیں ختم نہیں ہوا ، بریڈ پٹ جولی کو زبردستی باتھ روم تک لے گئے اور ان پر چلانا شروع کر دیا۔ انہوں نے جولی کو سر اور کندھوں سے پکڑ کر جھنجھوڑا اور پھر باتھ روم کی دیوار کی جانب دھکا دے دیا۔

 

اسی دوران انجیلینا جولی کے بیٹے نے اپنی ماں کی حمایت کی تو بریڈ پٹ اس پر بھی آگ بگولہ ہوگئے۔ بریڈ پٹ بچے پر جھپٹے تو انجلینا جولی نے بریڈ پٹ کو روکنے کے لئے پکڑنے کی کوشش کی۔ اسی دوران انجیلینا جولی کی کمر اور کہنی پر زخم آئے۔ جھگڑے کے دوران بریڈ پٹ نے ایک بچے کا گلا دبایا جب کہ دوسرے کو تھپڑ رسید کئے۔

ریلوے کو تاریخ کا سب سے بڑا نقصان:مگرخواجہ سعد رفیق کوکوئی پرواہ ہی نہیں

اس واقعے کے اگلے روز انجیلینا جولی نے ایف بی آئی کو بھی بتایا تھا لیکن دونوں فریقوں نے قانونی کارروائی نہ کرنے پر اتفاق کیا تھا۔انجیلینا جولی اور بریڈ پٹ نے 10 سال ساتھ رہنے کے بعد 2014 میں شادی کی تھی لیکن یہ شادی صرف 2 سال ہی چل سکی۔ 2016 میں انجیلینا جولی نے عدالت سے رجوع کیا تھا۔