کراچی میں پھردھماکہ ہوگیا

0
45

کراچی : کراچی میں پھردھماکہ ہوگیا،اطلاعات کے مطابق کراچی میں آج شام ایک خطرناک دھماکے کی آوازیں سنائی دی ہیں ،ادھرپولیس کے مطابق کراچی کے علاقے لیاری میں پراسرار دھماکے میں 2 افراد زخمی ہوگئے۔

سینیئر سپرٹنڈنٹ آف پولیس (ایس ایس پی) سٹی سرفراز نواز کے مطابق نیپیئر پیتل داس کمپاؤنڈ میں کچھ افراد آگ جلاکر ہاتھ تاپ رہے تھے کہ اس دوران ایک شخص نے کچھ اٹھاکر آگ میں ڈالا جس سے دھماکا ہوا اور دو افراد زخمی ہوگئے۔

پولیس کے مطابق زخمیوں کی شناخت بابر اور دانیال کے نام سے ہوئی جبکہ بم ڈسپوزل اسکواڈ کو طلب کیا گیا جس نے جائے وقوعہ سے شواہد اکٹھے کیے ہیں۔حکام نے بتایا کہ جائے وقوعہ سے نٹ بولٹ اور کیلیں ملی ہیں جبکہ دھماکے کی نوعیت کا پتہ لگایا جارہا ہے۔

Leave a reply