کراچی میں امام پر فائرنگ کا دوسرا واقعہ ،حالت تشویشناک

کراچی: کراچی میں امام پر فائرنگ کا دوسرا واقعہ ،حالت تشویشناک،اطلاعات کے مطابق شہر قائد کے علاقے جمشید ٹاؤن میں فائرنگ سے مسجد کے پیش امام زخمی ہوگئے، مولانا عبداللہ عمر کو تشویش ناک حالت میں اسپتال منتقل کردیا گیا۔

ذرائع کے مطابق کراچی کے علاقے جمشید ٹاؤن ایک نمبر سبحانیہ مسجد کے پیش امام مفتی عبداللہ عمر کو فائرنگ کرکے زخمی کرنے والے ملزم کو اہل علاقہ نے پکڑلیا۔

ذرائع کے مطابق 47 سالہ پیش امام کو زخمی حالت میں سول اسپتال منتقل کردیا گیا، مفتی عبداللہ عمر کی حالت تشویش ناک بتائی جارہی ہے۔

دوسری طرف حیران کن بات سامنے آئی ہے کہ پولیس ملزم کو گرفتار کرنے پہنچی تو اہل علاقہ نے ملزم پولیس کے حوالے سے کرنے سے انکار کردیا، پولیس کو اس دوران مزاحمت کا سامنا کرنا پڑا۔

پولیس کا کہنا ہے کہ ابتدائی تفتیش سے واقعہ ڈکیتی مزاحمت کا لگتا ہے لیکن واقعے کی تمام پہلوؤں سے تفتیش کی جارہی ہے۔

جواب چھوڑیں

آپ کا ای میل ایڈریس شائع نہیں کیا جائے گا.