fbpx

پاکستان کا ایک اور طیارہ افغان بھائیوں کے لیےامدادی سامان لے کر پہنچ گیا

اسلام آباد: پاکستان کا ایک اور طیارہ افغان بھائیوں کے لیےامدادی سامان لے کر پہنچ گیا ،اطلاعات کے مطابق مشکلات سے دوچار افغان عوام کی مدد کے لیے پاکستان سے امدادی سامان کی تیسری کھیپ لے کر طیارہ خوست پہنچ گیا۔

افغانستان میں پاکستانی سفیر منصور احمد خان نے ٹویٹ پیغام میں کہا کہ پاکستان کا سی ون تھرٹی طیارہ امدادی سامان لے کر افغانستان کے خوست ائیر پورٹ پہنچ گیا ہے۔

اُنہوں نے مزید کہا کہ پاکستان کی جانب سےانسانی ہمدردی کی بنیاد پر بھیجے گئے امدادی سامان میں ادویات اور کھانے پینے کی اشیا شامل ہیں جنہیں خوست میں افغان عوام کے حوالے کردیا گیا ہے۔

یاد رہے کہ اس سے پہلے پاکستان کی طرف سے دو سی ون تھرٹی طیارے امدادی سامان لے کر افغان عوام تک پہنچا چکے ہیں، ادھر یہ بھی معلوم ہوا ہےکہ پاکستان نے دیگربرادرملکوں سے اپیل کی ہےکہ وہ افغانستان کے لیے امدادی سامان بھیجیں تاکہ وہ اپنی بنیادی ضروریات پوری کرسکیں

Facebook Notice for EU! You need to login to view and post FB Comments!