اینٹی کرپشن افسر سے 350 تولے سونا برآمد

0
35

کراچی: اینٹی کرپشن افسر کے گھر 350 تولے سونا برآمد ہوا ہے-

باغی ٹی وی :تفصیلات کے مطابق کراچی کی احتساب عدالت میں سابق ڈائریکٹر اینٹی کرپشن کے خلاف آمدن سے زائد اثاثے بنانے کے الزام میں نیب انکوئری رپورٹ میں بتایا گیا کہ ملزم رفیق قریشی 1996 میں مختیار کار بھرتی ہوا تھا-

سابق میئر کراچی وسیم اخترکے وارنٹ جاری

رپورٹ میں بتایا گیا کہ رفیق قریشی ڈپٹی سیکرٹری اسٹاف، ڈی سی بدین، جنوبی اور ڈائریکٹر اینٹی کرپشن کے عہدے پر فائر رہا ہے، ملزم نے ڈیفنس فیز 8 خیابان غالب میں 80 ملین روپے کی پراپرٹی خریدی ہے، جبکہ اس کے پاس ساڑھے تین سو تولے سے زائد سونا ہے جبکہ ملزم کا مؤقف ہے کہ ساس نے سونا بطور تحفہ دیا ہے۔

رپورٹ میں بتایا گیا کہ ملزم کے پاس کلفٹن بلاک 2 میں ایک فلیٹ اور ڈی ایچ اے میں پلاٹ ہے، ملزم کے پاس 32 ملین روپے ہیں، ملزم کی جائیداد اس کی آمدن سے زیادہ ہے تاہم ملزم کی ضمانت مسترد کی جائے۔

بھارت نے مقبوضہ کشمیر میں جنگی جرائم اور نسل کشی کے ثبوت مٹانا شروع کر دیئے

احتساب عدالت نے ملزم کی ضمانت میں 8 اپریل تک توسیع کردی۔

قبل ازیں سابق میئر کراچی وسیم اختر کے عدالت نے وارنٹ جاری کر دیئے ہیں شہر قائد کراچی کے نجی ہسپتال میں دہشت گردوں کے علاج سے متعلق کیس کی انسداد دہشت گردی عدالت میں سماعت ہوئی، دوران سماعت پولیس کے تفتیشی افسر نے بتایا کہ ملزمان پر2015 میں تھانہ نارتھ ناظم آباد میں مقدمہ درج ہے-

وسیم اختر کے وکیل کی جانب سے ان کی حاضری سے استثنیٰ کی درخواست دائر کی تاہم عدالت نے وسیم اختر کی حاضری سے استثنیٰ کی درخواست مسترد کر دی ،عدالت نے وسیم اختر کے وارنٹ گرفتاری جاری کر دیئے عدالت نے وسیم اختر کو 12 مارچ کو گرفتار کر کے پیش کرنے کا حکم دے دیا-

Leave a reply