اینٹی نارکوٹکس پولیس ایران کے 4 رکنی وفد کا پاکستان اینٹی نارکوٹکس فورس ہیڈ کوارٹر کا دورہ، انسدادِ منشیات سے متعلق امور اور باہمی تعاون پر تبادلہ خیال

ترجمان اے این ایف کے مطابق اینٹی نارکوٹکس پولیس ایران کے 4 رکنی وفد کا اینٹی نارکوٹکس فورس ہیڈکوارٹر کا دورہ کیا-

باغی ٹی وی : ترجمان اے این ایف کا کہنا ہے کہ ایرانی وفد کی قیادت اینٹی نارکوٹکس پولیس ایران کے سربراہ برگیڈئیر جنرل ماجد کریمی نے کی-

ترجمان اے این ایف کے مطابق پاکستان کی جانب سے ڈائریکٹر جنرل اے این ایف میجر جنرل محمد عارف ملک، ہلال امتیاز ملٹری نے قیادت کی جبکہ ڈائریکٹر جنرل اے این ایف میجر جنرل محمد عارف ملک، ہلال امتیاز (ملٹری) نے اعلیٰ سطحی افسران کے ہمراہ وفد کا استقبال کیا-

دورے کا مقصد خطے میں انسدادِ منشیات سے متعلق امور اور باہمی تعاون پر تبادلہ خیال کرنا تھاوفد میں شامل عہدیداروں نے دونوں ممالک کے مابین برادرانہ تعلقات کو مزید مضبوط بنانے کی ضرورت پر زور دیا-

ترجمان اے این ایف کے مطابق منشیات کی روک تھام کے لیے دونوں ممالک کے درمیان 1999 کی دستخط شدہ یاداشت کو صحیح معنوں میں نافذالعمل بنانے کی ضرورت پر زور دیا گیا اور انسدادِ منشیات کے لئے قائم کردہ باہمی و علاقائی نظام کو مزید مؤثر بنانے پر زور دیا گیا-

ترجمان اے این ایف کا مزید کہنا تھا کہ خفیہ معلومات کے بروقت تبادلے اور مشترکہ کارروائیوں کے دوران درپیش مسائل کے حل پر خصوصی توجہ دی گئی تفتان سرحد پر رابطہ دفتر کے قیام اور مشترکہ منصوبہ بندی کے شعبہ کو مضبوط کرنے کیلئے اقدامات کرنے پر زور دیا گیا-

خیال رہے کہ ماضی میں دونوں ممالک کے تعاون کے نتیجے میں منشیات اور ممنوعہ کیمیائی مواد کی اسمگلنگ کے خلاف کامیاب مشترکہ کارروائیاں عمل میں لائی گئی-

جواب چھوڑیں

آپ کا ای میل ایڈریس شائع نہیں کیا جائے گا.