fbpx

انور مقصود کا پلے ”ساڑھے 14 اگست “یوم آزادی کے موقع پر پیش کیا جائیگا

انور مقصود جو کہ تھیٹر ہو یا ٹی وی بامقصد کھیل پیش کرنے پر یقین رکھتے ہیں رواں برس فروری کے مہینہ میں‌انہوں نے اعلان کیا تھا کہ چوداں اگست کے موقع پر ساڑھے 14 اگست پیش کیا جائیگا. یہ کھیل کراچی آرٹس کونسل میں پیش کیا جائیگا اور کراچی آرٹس کونسل نے اس کی تصدیق بھی کردی ہے. اس کھیل کا ٹیزر بھی جاری کر دیا گیا ہے.ٹیزر میں ایک فوٹوگرافر کو مہاتما گاندھی اور قائد اعظم محمد علی جناح کی ایک ساتھ تصویر لینے کی کوشش کرتے دکھایا گیا ہے۔انور مقصود کا اس حوالے سے مزید کہنا ہے کہ 2011 میں ہم نے پونے چودہ اگست کیا، لوگوں نے کہا کہ چودہ اگست کیوں نہیں، میں نے کہا کہ جس دن چودہ اگست ہوگی تب اعلان کر دیں

گے۔ 3 سال بعد سوا چودہ اگست لکھا یہ اسی سلسلے کی آخری کڑی ”ساڑھے چودہ اگست “ہے۔تھیٹر پلے کی کہانی کے بارے میں گفتگو کرتے ہوئے انور مقصود نے کہا کہ اس کھیل میں ایک شخص نے قائداعظم اور گاندھی پر مقدمہ دائر کیا ہے کہ تقسیم کے بجائے اگر یہ ایک ہی ریاست رہتی تو کتنا اچھا ہوتا. یاد رہے کہ انور مقصود کے آج کے ڈرامے سے نالاں ہیں ان کا کہنا ہےکہ جو کچھ لکھا جا رہا ہے میں وہ نہیں لکھ سکتا لیکن میں یہ بھی نہیں‌کہتا کہ آج لکھنے والے اچھا نہیں‌لکھ رہے لیکن اگر ان کا لکھا ہوا لوگ پسند کررہے ہیں تو پھر ٹھیک ہے.